भजनसंहिता 9

परमेस्वर को नियाय को लाय धन्यवाद को भजन

(परधान बजावन वारो को लाय मुतलबैयन को राग पर दाऊद को भजन)

1ओ यहोवा परमेस्वर,

मी आपरो पूरो मन लक यहोवा की स्तुति करहुं

ओ यहोवा, तूना जो चमत्कार काम करयो से,

मी उन सब को बखान करहुं

2मी तोरो मा खुसी लक गद-गद होवा सेऊँ,

ओ परम परमेस्वर, मी तोरो

परसनसा को गाना गाहुं।

3जब मोरो सतरू गिन मघा हटासेत,

तो वोय मोरो मोहोरा खोद्दा खाय के नास होवासेत,

4काहेका तूना मोरो न्याय करयो,

तूना मोरो पक्समा नियाव दियो,

तूना सिंघासन मा बसके

सच्चाई लक नियाव कियो से।

5ओ यहोवा, तुना राज-राज का वोना

दुसमनहुन ला कड़ो डटकारयो अखिन ओ यहोवा,

तूना वय दुस्ट गिनला नास करयो से,

उनको नामो-निसान तुना जिन्दो को

सुची लक हमेसा लायी मिटाय दियो।

6दुसमन जोन सेत, वय नास होय गयीन,

वय हमेसा को लाय सत्यानास होय गयीन,

उनको नगर अना नाव को

नामो-निसान तूना मिटाय दियो।

7पर यहोवा ता सदा सिंघासन मा बिराजमान से,

वोना आपरो सिंघासन जग मा नियाव करन

को लाय बनायो से।

8अना उ खुदच जगत को न्याय सच्चाई लक करहेत,

उ देस-देस को लोख हुनको नियाव खराई लक निपटाहेत।

9यहोवा लाचारगिन लायी ऊंचो गढ़ ठयरे,

ऊ दुख को बेरा भी ऊच्चो गढ़ ठयरे।

10जो तोरो नाव जान के भरोसा करासे,

ओ यहोवा, अदि कोनी जन तोरो दरवाजा पर आय जाहे

ता बगेर मदत पायो कोनी नहीं लवटेत।

11यहोवा जोन सिय्योन मा बिराजमान से,

वोको भजन गावो!

लोगगिन को बीच मा वोको

महान कामगिन को परचार करहो!

12जोन लोख यहोवा लक नियाव मांगसेत,

ओना ओकी सुदी लेयीस,

जोन दीन गिन कि मदत को लाय हाकलयो,

वोना यहोवा न कभ्भु नहीं बिसरावासे।

13ओ यहोवा! मोरो पर दया कर,

मरन को बेसकुड़ लक तू मोला बचाय ले।

मोरो दुखला चोव, मोरा दुसमन मोलादेय रह्यो सेत।

14जेकोलक यहोवा सियोन 1 को बेसकुड़ मा

मी तोरी बड़ाई को गाना गाय सकू।

मी लगत खुस होहुं काहेका

तूना मोला बचाय लियो से।

15राज- राज को मानूस न खोदरा खनिन,

वोमा वोय खुद च समाय जाहेत।

जोन जाल छिपाय-छिपाय के बिछायो,

वोको मा उनको पाय फँस गयो।

16यहोवा न जो नियाव करयो उ ओकोलक जानयो गयो,

दुस्ट मानूस आपरो कियो हुयो कामगिन मा फँस गइन।

17वय बूरो होसेत जोन परमेस्वर ला भूल जासेत

एसो मानूस मरन को देस मा जावसे।

18काहेका परमेस्वर दीन गिनला हरामेसा को लाय कभ्भु नहीं भुलेत।

अना नरम लोगहुन को आसा हरमेसा को लाय नास नहि होहेत।

19ओ पिरभू उठ! मानूस ला हावी नोको होन दे,

तोरो मोहोरा राज-राज लोगगिन को नियाव कियो जाय!

20पिरभू उनला डराय दे जोन लक राज-राज को लोग जान जाहेत

का वय सिरप मानूस आय।