Powari Standard Project
भजनसंहिता 8
परमेस्वर को महीमा अना गवरव
(परधान को बजावनवारो को लाय:गित्ती को राग मा दाऊद को भजन)
ओ यहोवा, मोरो मालीक,
तोरो नाम सारी धरती मा,
कितरो च महान से,
तोरो महीमा को स्तूती गान सरग मा होवासे।
लेकरा अखीन नाहनो जलमो लेकरा को
टोन्ड लक तोरो स्तुती होवासेत। 1
आपरो बयरी गिनको कारन आपरो दुसमन
अना बिरोधी को आखीर करन को लाय
तूना एक किला बनायो से। 2
जबा मी चोवासू तोरो बादल ला
जोन तोरो हात3 को कला से,
चन्दा अना नक्सतर जोनला,
तुना ठेयो सेत चोवासू।
तो मंग मानूस काजक से का तू वोको हेत करे,
अना अदमी काजक से का तू वोकी सूधी लेय?4
तो भी तूना वोला परमेस्वर5 लक काही च कम बनायो
अना वोला महीमा अना मान को मुकुट पहेरायो।
तूना वोला आपरो हात को काम पर मालीक बनायो से,
तूना वोको पाय को खाल्या सब काही कर दियो सेस।6
सेरी मेन्ढी, गाई-बईल अना जेतरा जगंली जनावर से,
बादर मा पक्सी अखिन सागर मा तिरन वालो मसरी,
अना जितरो जीव जन्तु जोन सागर मा चलासेत।
ओ पिरभू, ओ आमरो मालीक,
तोरो नाव सप्पा धरती मा कितरो महान से?
Source notes (6)
- Footnote मूल में, टोन्ड लक
- Cross-reference मत्ती 21:16
- Footnote मूल मा बोट लक
- Cross-reference अय्यूब 7:17,18; भजनसंहिता 144:3; इब्रानियो 2:6-8
- Footnote सरगदूत गिनलक
- Cross-reference 1 कुरिन्थियो 15:27; इफिसियो 1:22; इब्रानियो 2:8
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.