भजनसंहिता 7

नियाव को लाय पिराथना

दाऊद को सिग्गायोन नावको भजन जोन वोना बिन्यामिनी कूस को गोस्टि को कारन यहोवा को मोहरा गायो

1हे मोरो यहोवा परमेस्वर, मोरो भरोसा तोरो पर से

उन मानूसहिन लक मोरी रक्सा कर,

जो मोरो मंघा पड़ी से। मोला तू उन लक बचाय ले,

2कही असो नोको होय का वय बाघ को जसो

मोला धर ले! अना मोला फाड़के खन्डा-खन्डा कर डाके

अना मोला कोनी नोको बचा सके।

3हे मोरो परमेस्वर, अदी मीना यो गलत करीसेऊ,

अदी मोरो हात लक अधरम भयी,

4अदि मीना आपरो संगी गिन लक बदला मा बुराई कियो,

या जोन बिन कारन को मोरो बयरी होतो लुटो सेऊ,

5तो बयरी मोरो पिरान को मंघा पडके मोला धर लेय,

अना मोरो जियान ला भुयी मा खुनद रवन्द कर डाके,

अना मोरी महीमा ला माती मा मिलाय देय।

6ओ पिरभू गुस्सा लक उभो होय!

मोरो बयरी गुस्सा मा से, तो उभो हो जाय

अखिन उनको खिलाप लड़ाई कर

मोरो लाय जग! तूना नियाव को हुकूम दियो सेस!

7तोरो चारी कना संसार को सभा मा सबरी जात गिन जमा होय,

अना तू उनको बीच मा उच्चो सिघासन मा बस जाय।

8ओ यहोवा, देस-देस को न्याय करासेत,

मोरो न्यायीपन को अनुसार मोरो नियाव कर,

काहेका मि निरदोस सेऊ।

9भला होय का दुस्ट को बुराई नास होय,

पर तू नेक मानूस ला पक्को कर,

मन अना हिरदय ला परखन वालो परमेस्वर धरम मय से।1

10मोरो ढाल परमेस्वर को हातमा से,

उ सीदो मन वारो ला बचावासे।

11यहोवा परमेस्वर नेक अना न्यायी से,

उ दुरजन पर लगातार गुस्सा

करन वालो परमेस्वर आय।

12अदी मानूस पस्तावा नही करहेत ता,

परमेस्वर आपरो तरवार को धार पयनो करहेत।

सही मा वोना आपरो तीर कमान चघायो से,

अना नेत लगाइसेस।

13अना वोना मानूस को लाय वोना

मऊत को हतियार तैयार करयो से।

वा आपरो तीर ला अगीन बान बनावासेत।

14चोवो, दुस्ट लोग कसी बूरो गोस्टी सोचासेत,

उपदरा को जुक्ति बनावासेत अना छल करासेत 2

15वोना जमीन मा खोदरा खन्दयो,

पर उ खुदच वा खोदरा म धस गयो,

जोनला वा खन्दयो होतो।

16उनको उपदरा उलट उनको डोका मा पडहेत,

अना उनको कपार मा उनको हिन्सा पड़हेत।

17मी यहोवा को धरम को अनुसार वोको धन्यवाद करहु,

अना परम परधान यहोवा को स्तूती करहु।