भजनसंहिता 6

संकट को बेरा दया को लाय पिराथना

(परधान बजान वालो को लाय ,तार वालो बाजा जो संग। खरज को राग मा दाऊद को भजन)

1ओ यहोवा, तू मोला आपरो गुस्सा मा मोला नोको डाट,

अना झुझला के मोला सजा नोको देव, 1

2पिरभू मोरो पर दया कर ,काहेकि मी कमजोर सेऊ,

पिरभू! मोला चंगा कर काहे कि मोरो हाड़ मा बेचैनी सेत।

3मोरी जियान लगत घबरावा से,

पर तु, ओ पिरभू कब तकन?

4ओ पिरभू लवट आव, मोरो पिरान बचाय

आपरो करूना को सुभाव को कारन लक

मोरो सूटकारा कर!

5काहेका मरनो को बाद तोरो हेत करनो संभव नहात,

कोन मानूस मरन को बाद कबर मा तोरो धन्यवाद कर सका से?

6मी सिसकतो-सिसकतो, थक गयो

मी आपरो बिछोना ला आंसू लक ओदो करासू,

हरेक राति आंसु को धार लक मोरो हतरन बुड जावासे।

7मोरो डोरा सोक को मारे धुन्धरो भयी गयी,

अना मोरो बयरी गिनको कारन लक वोय कमजोर भयी गयी।

8अरे सब अनरथ करनवारो, मोरो कठा लक दूहुर हटजाव।2

काहेकी यहोवा ना मोरो रोवनो को सबद आयक लियो से।

9मोरी बिनती यहोवा को कान तक पहुंच गयी से,

अखिन मोरी पिराथना यहोवा सुवीकार करासेत।

10मोरो सब दुसमन सरमा जाहेत अना

लगतच घबरा जाहेती।

वोय अचानक लवट अना लजा जाहेती।