भजनसंहिता 76

जयवन्त परमेस्वर

परधान बजानवालो को लय; तारवालो बाजों को संग , आसाप को भजन, गाना

1परमेस्वर यहूदा मा जानयो गयो से,

वोको नाव इसरायल मा महान भयो से।

2अना वोको पंडाल सालेम मा,

अना वोको धाम सिय्योन पाहाड़ मा से।

3उता वोना चमचमातो तीर गिनला ,

अना ढाल, तरवार ला तोड के ,

लड़ाई च ला तोड़ डाक्यो से।

4ओ परमेस्वर, तू ता चमकदार से:

तू सीकार लक भरयो हुयो पहाड़गिन लक

ज्यादा साजरो अना महान आस।

5पिक्को मन वारो लुट गयीन, अना भारी झोंप मा पड़या से,

अना सूरबीर मा लक कोनी ला एतरी ताकत नोहोति का हात चलाय सके।

6ओ याकूब को परमेस्वर, तोरी डांट लक,

रथगिन को संग मा घोड़ोगिन भारी जप मा पड़या सेत।

7तू एकलो च भेव काबिल से;

अना जबा तू गुस्सा करन लगेत, तबा तोरो पुढ़ो कोनी ऊभा रव्ह सकासे?

8तुना सरग लक फैसला आयकवायो से,

जगत वोना बेरा आयक के कांप कर चुप्पई भयी गयी,

9जबा परमेस्वर नियाव करन ला,

अना धरती का सबच नरम लोगहुन को उध्दार करन को लाय ऊभो हुयो।1

10पिक्को मानूस को जलजलाहट तोरी स्तुति को कारन होय जाहेती,

अना जो जलजलाहट रव्ह जाहेत, वोला तू रोखजोस।

11आपरो परमेस्वर यहोवा कि मानता मानो, अना पूरो भी करहो;

वोय जोन भेव को लायक से,2 वोको आखा-पाखा को सबच वोको लाय भेंट आनो।

12उ तो परधान गिनको घंमड ला मिटका देहेत।

उ धरती को राजागिन मा भेव करनो लायक जान पड़ासेत।