भजनसंहिता 75

परमेस्वर को नियाव

परधान बजान वालो को लाय अलतसहेत राग मा आसाप का भजन। गीत।

1ओ परमेस्वर मी तोरी धन्यवाद करासेऊ,

अमी तोरी स्‍तुति करासेजन,

तोरो नाव आमरो जवर सेत,

लोख तोरो अचरज भरो काम को बखान करासेत।

2परमेस्वर कव्हासेत,

ठयरायो बेरा मा जोन ला मी ठयराईन ,

बिना पक्स लिये मी न्याय करहीन।

3जब धरती अखीन वोको सबरी रव्हनवारो,

डगमगान लगासेत,

तबा मी च वोको मुंडा का मजबूत करासू।

4मी धमन्डी लक असो कव्हासू “गरब नोको करो”

अना दुस्ट गिन लक “घमन्ड लक आपरो-आपरो सींग नोको उभो करहो।

5आपरो सींग उच्चो नोको करो,

अना मान वाकड़ो करके घमन्डिपन को गोस्टी नोको करो”

6काहेकि साजरो जिन्दगी न तो दिन उगती लक न दिन बुडती,

अखिन ना तो जंगल को कन लक आवासे।

7पर परमेस्वर आप च नियाव करन वालो से।

उ एक ला बेज्जत करासे, एक ला मान मिलासे।

8पिरभू को हातमा एक भान्डो सेत,

जोनमा झाग वालो अंगूर को रसा से जोनमा मसाला मिलयो हुयो सेत। अना उ वोको लक उबडावासेत। पक्को वोला निचोड के पेन्दी तकन धरती को दुस्ट लोक पी जाहेत।

9मी हरमेसा लक खूसी मनाहू, मी याकूब को परमेस्वर को स्तूती गाहू।1

10उ हरेक दुस्ट लोक हुनको हिटयो हुयो सींग ला काट डालेत।

पर नेक मानूस को मान बधायो जाहेत।