भजनसंहिता 70

मदत को लाय पिराथना

(भजनसंहिता 40:13-17)

मुखिया बजानवालागिन को लायी, दाऊद को भजन हेत करा को लाय

1ओ परमेस्वर मोला सोडान को लाय,

ओ यहोवा, मोरी मदत करन को लाय

लहाकी कर!

2जोन मोरो पिरान को खोजी सेत,

उनको आस टुटयो, अखिन टोंड कारो भयी गयी!

जोन मोरो नुसकान लक खूस होवासेत,

वोय मघा हटायो अखिन बेइज्जती करयो जाय।

3जोन कव्हासेत, आहा, आहा!

वोय आपरो लज्जा मारे उलटो लवट जाय!

4जेतरो तोला चहेतो जसो ढूँढ़ासेत, वोय सबरी तोरो कारन

खुसी अखिन खुस सेत;

अखिन जोन तोरो उध्दार चहावासेत,

वोय लगातार कव्हतो रव्हे,

परमेस्वर की बड़ाई हो!

5मी ता दीन अखिन गरीब सेव;

ओ परमेस्वर, मोरो लाय लहाकी कर!

तू मोरो मदत करनवारो अखिन छुड़ावनवारो सेस;

ओ यहोवा, उसीर नोको कर!