भजनसंहिता 64

लुकयो हुयो दुस्मनगिन लक रक्सा को लायी पिराथना

मुखिया बजान वाला गिनको लायी दाऊद को भजन

1ओ परमेस्वर, जबा मी तोरी दोहाई देऊ, तबा मोरो आयक;

दुस्मन को उपजायो हुयो भेव की बेरा मोरो पिरान की रक्सा कर।

2कुकरमीगिन की साजिस लक,

अखिन अनरथ करन वालो गिन को हुल्लड़ लक मोरी आड़ भयी जाय।

3उनना आपरो जिबली ला तलवार को बरोबर पजायो सेत,

अखिन आपरो कड़वा बचनगिन को तीर गिन ला चढायो सेस;

4जोनलक लुक के खरो मानूस ला मारेत,

वोय निडर भयी के उनला अचानक मारासेत।

5वोय बुरो काम करन को हिम्मत बाँधासेत;

वोय फन्दा लगान को बिसय गोस्टी करासेत, अखिन कव्हासेत,

अमीला कोन चोवासेत?

6वोय दुस्टपन को जुकति हेड़ासेत;

अना कव्हासेत, “आमीना पक्को जुकति

तपास सेजन।”

काहेकि मानूस को मन अखिन हिरदय गहरो से!

7पर परमेस्वर उन पर तीर चलाहेत वोय अचानक घायल भयी जाहेत।

8वोय आपरो च बचन गिनको कारन खोद्दा खायके पड़ जाहेति।

जेतरो उन पर निघा करहेत वोय

सबरी च आपरो-आपरो डोका हिलाहेत।

9तबा सारो लोख डराय जाहेत,

अखिन परमेस्वर को कामागिन को बखान करहेत

अखिन वोको काम ला धियान लक समजेत।

10नेक त यहोवा को कारन खुस भयके वोको सरन मा जाहेत,

अखिन सबरी सीदो मनवारो बड़ाई करेहत।