भजनसंहिता 61

रक्सा को लायी पिराथना

मुखिया बजानवाला गिनको लायी तारवारो बाजा गिनको संग दाऊद को भजन

1ओ परमेस्वर, मोरो हाकलनो आयक,

मोरो पिराथना को कन धियान देय।

2निरासा को बेरा मा मी धरती को सेन्डा लक भी

तोला हाकलू,

जोन चट्टान मोरो लाय उच्चो से,

वोको पर मोला ले चल;

3काहेकि तू मोरो सरन को जघा आस।

अखिन दुस्मन लक बचन को लायी उच्चो किला आस।

4मी तोरो तंबू मा जूग-जूग बनायो रव्हीन।

मी तोरो पंखा गिनको आड मा सरन लियो रव्हू।

5काहेकि ओ परमेस्वर, तू मोरो मानता गिन आयकयो,

जोन तोरी नाव को डरावन वारो सेत

उनको जसो हिस्सा तू मोला दियो से।

6तू राजा की उमर ला लगत बढ़ाजोस;

वोको साल पीढी-पीढी को बरोबर भयी जाहेत।

7उ परमेस्वर को मोहरा हरामेसा बनो रव्हेत;

तू आपरो करूना अखिन सच्चाई ला

वोको रक्सा को लायी ठयराय राख।

8असो पिरकार मी हरामेसा

तोरी नाव को भजन गा गाके

आपरो मानता हर रोज पूरो करहीन।