भजनसंहिता 60

सूटकारा को लायी पिराथना

मुखिया बजानवालागिन को लायी हुकुम दाऊद को मिक्ताम सूसेनदूत राग मा सिक्सा देवनवारो। जबा उ अरमहरैम अखिन अरमसोबा लक लड़त होतो, अखिन योआब न लवटके नोन को किनार मा एदोमि गिनमा लक बारा हजार अदमी गिनला मार डाकयो

1ओ परमेस्वर, तू मोला तियाग दियो

अखिन अमिला तोड़ ड़ाकयो सेस।

तू गुस्सा भयो मग मोला जसो को तसो कर देय।

2तू धरती ला कँपायो अखिन चीर डाकयो,

वोको दराड़गिन ला भर देय,

काहेकि वा डगमगाय रह्यो से।

3तू आपरो परजा ला कठीन दुख भुगतायो; तू

ना मोला लडखडा देवन वारो अंगूर को रस पिलायो सेस।

4तू ना आपरो भेव मानन वालो ला झन्डा दियो से,

वा सच्चाई को कारन फहराहेत।

5तू आपरो उज्जो हात लक बचाय

अखिन हमारो आयक ले का तोरो पियारो सुड़ायो जाय।

6परमेस्वर पवीतरता को संग बोलयो से,

मी खुसी होऊ ;

मी सेकेम को जमीन ला बाट लेऊ ,

अखिन सुक्कोत को झिलान ला नाप कराहिन।

7गिलाद मोरो आय, मनस्से भी मोरो आय,

अखिन एपरेम मोरो डोसका को टोपी ,

यहूदा मोरो राज करन को छडी आय।

8मोआब मोरो धोवन को भांड़ो सेत,

मी एदोम पर आपरो पनही फेंकू

ओ पलिस्तीन , मोरो च कारन जय जयकार कर।

9मोला किलावारो नगर मा कोन पहोचाहेत ?

एदोम तकन मोरो अगुवाई कोन ना करयो से?

10ओ परमेस्वर, का तू अमीला नही तियाग दियो?

ओ परमेस्वर , तू आमरो सेना को संग नही जावासेत।

11दुस्मन को बिरोध मा आमरो मदत कर,

काहेकि मानूस को करयो हुयो सूटकारा बेकार होवासेत।

12परमेस्वर को मदत लक अमी बीरता चोवाबिन,

काहेकि मोरो दुस्मनगिन ला वोच खुंदेत।