भजनसंहिता 58

दुस्ट ला सजा देवन को लाय पिराथना

मुखिया बजानवालागिन को लायी अल - तसहेत मा दाऊद को मिक्ताम,

1ओ मानूस गिन, का तुम सचमुच मा न्याय को गोस्टि बोलासो?

ओ मानूस बन्सी,का तुम्हि सिधाई लक नियाव करासो?

2नही, तुम्हि मन च मनमा अनिस्ट करन को योजना बनावासो,

देसमा आपरो हात लक हिनसा को काम करतो जावासो ,

3माय को पेटच लक दुस्ट भटक जासेत,

खोटो मानूस जलम लकच गलत रास्ता मा चलासेत।

4उनमा सरप को जसो बिख से,

वय वोय नांग साँप को जसो सेत ,

जोन आयकनो नही चाव्हासेत।

5जोन लक साँप पकड़न वालो कितरो भी साजरो लक

काहे मन्तर पढे़त तोभी वा वोको नही आयकत।

6ओ परमेस्वर, उनको टोंड मा लक दाँतगिन ला तोड़ देय,

ओ यहोवा, उन जुवान सेरगिन को दाढ़ गिनला उखाड़ डाक

7वोय बोहतो पानी को जसो भयी जाय।

जबा वोय आपरो तीर चघाय ,

तबा तीर मान लेव वोकी दोन तुकड़ा भयी जाय।

8वोय छिपी को जसो भयी जाय जोन घूर के

नास भयी जासेत।

अना बायको को पडयो गरभ को जसी भयी जाय

जोन दिन नही चोयो से।

9एको लक मोहरा को तुम्हरो हन्डिया मा काँटा को आँच लगेत,

अना हीवरोगिन को बिचार जरेत, दुय ला वा आँधड़ लक उडा ले जाहेत।

10नेक असो बदला चोवके खुस होहे,

वोय आपरो पाय दुस्ट को खून लक धोहेत।

11तबा मानूस कव्हन लगहेत, पक्को न्यायी को लायी फर से,

पक्को परमेस्वर आय, जोन धरती पर नियाव करासे।