भजनसंहिता 56

परमेस्वर मा भरोसा को लाय पिराथना

मुखिया बजान वालो को लाय योनतेलेखद्दोकीम रागमा दाऊद को मिक्ताम जबा पलिस्ती गिनना वोला गत नगर मा धरयो होतीन।

1ओ परमेस्वर, मोरो पर किरपा कर, काहेकि

बयरी मोला लिलनो चाव्हासेत।

वोय दिवस भर लड़के मोला सतावासेत।

2मोरो बयरी दिवस भर मोला लिलनो चाव्हा सेत,

काहेकि जोन लोख गरब करके मोरो

लक लड़ासेत वोय लगत सेत।

3जोन बेरा मोला भेव लगहेत,

मी तोरो मा भरोसा ठेवू

4परमेस्वर को मदत लक मी वोको बचन को,

परसंसा करहुन,

परमेस्वर मा भरोसा ठेयो ,

मी नही डराहीन .

कोनी बयरी मोरो काजक कर सकासेत?

5वोय दिवस भर मोरो बचनगिन को उलटो मायनो

हेड़के मरोड़ सेत ;

उनको सबरी कलपनागिन मोरो च बूराई

को होवासेत .

6वोय सबरी मिलके जमा होवासेत अखिन लुकके

बसासेत,

वोय मोरो चलनो ला चोवासेत

मान लेव वोय मोरो पिरान लेवन को तक्का

मा बसयो सेत।

7काजक वोय बूराई करके भी बच जाहेत?

ओ परमेस्वर , आपरो किरोद लक देस- देस को लोखगिन ला पाड़ दे!

8तू मोरो मारो- मारो हिन्डन को हिसाब ठेवासे ;

तू मोरो आँसूगिन ला आपरो कुप्पी1 मा ठेव ले!

का उनको चरचा तोरी किताब मा नहात?

9तबा जोन बेरा मी हाकलू, वोच बेरा मोरो दुस्मन उलटो लवटेत। यो

मी जानासू का परमेस्वर मोरो कन से।

10परमेस्वर को मदत लक मी वोकी बचन की परसंसा करून ,

यहोवा को मदत लक मी वोकी बचन की परसंसा करून .

11मी परमेस्वर पर भरोसा ठेयो , मी नही डरहुन .

मानूस मोरो काजक कर सकासेत?

12ओ परमेस्वर , तोरी मानता को बोझा मोरो पर बनयो से,

मी तोला धन्यवाद बली चढाहुन?

13काहेकि तू मोला मौऊत लक बचयो सेस ;

तू मोरो पायगिन ला भी घीसरन लक बचयो सेस ,

जोनलक मी परमेस्वर को समोर जीवतो को उजेलागिन मा चलू हिन्डु ? 2