भजनसंहिता 54

सतरू गिन लक रक्सा को लाय पिराथना

दुस्मनगिन लक रक्सा को लायी पिराथना मुखिया बजान वालागिन को लायी दाऊद को मस्कील तारवारो बाजागिन, को संग जबा जीपि गिनना आयके साऊल लक कह्यो , का दाऊद आमरो बीच मा लुकयो नही रव्हासे ?

1ओ परमेस्वर आपरो नाव को लक मोरो उध्दार कर,

अखिन आपरो बीरता लक मोरो नियाव कर।

2ओ परमेस्वर, मोरो पिराथना आयक ले,

मोरो टोंड को बचन गिन को कन कान लगा।

3काहेकि परदेसी मोरो खिलाप उभो सेत,

अखिन कुकरमी मोरो पिरान ला लेवन वालो बनयो सेत,

उनना परमेस्वर ला आपरो मोहरा नही जानयो।

4चोवो, परमेस्वर मोरो मदत करनवालो आय,

पिरभू मोरो पिरान ला संबालन वालो को संग से।

5उ मोरो बयरी गिनको बुराई ला उनको परच लवटा देहेत,

ओ परमेस्वर, आपरो सच्चाई को कारन उनको सतियानास कर।

6मी तोला आपरो मरजी को अनुसार बली चघाहुँ,

ओ यहोवा, मी तोरो नाव को धन्यवाद करहीन,

काहेकि यो साजरो से।

7काहेकि तूना मोला सबरी दुख गिनलक सुडायो सेस,

अखिन मी आपरो बयरी गिन पर निघा डाक के सन्तोस भयी सेऊ।