भजनसंहिता 4

मदत को लाय सन्जा को पिराथना

परधान बजानवालो को लाय ,तारवालो बाजा को संग दाऊद को भजन

1मोरो न्यायी परमेस्वर जब मी तोला हाकलु ,

मोला जवाब देजोस मोरी बिनती ला आयक,

अखिन मोरो पर किरपा करजोस।

जब कभ्भू आफत मोरो पर घेरे तू मोला छुडा लेवजोस।

2ओ, मानूसहुन कब तकन तुम्हि मोरी बेइज्जती करहो?

तुम्हि कब तकन बेकार को गोस्टी गिन लक पिरेम करतो रव्हने?

अखीन कब तकन झुठो सला ला तलास करजोस?

3हेत राखो, का आपरो लाय पिरभू ना नेक मानूस ला निवाड़ो से,

अना जबा मी वोला हाकलासू तबा ऊ मोरी आयकासे।

4कापतो रव्हो अना पाप नोको करो;

अपनो-अपनो हतरन मा मन च मन सोचो,

अना उघोमुघो रव्हो।12

5धरम को बली परमेस्वर ला चघावो,

अखिन तू यहोवा पर भरोसा राख।

6लगत सा लोग कव्हसेत,

“परमेस्वर कि नेकी अमीला कोन चोवावसे?

ओ यहोवा आपरो उजयारो टोन्ड लक

आमरो पर ऊजड़ो चमकाव।”

7तूना मोरो मन मा ओको लक

काही ज्यादा खुसी भर दियो से,

कापन को बेरा लगत फसल अखिन

अंगूर को रस लक खुस होवासेत।

8मी खाट मा जासू अखिन चयन लक सोयजासू।

काहेका, होय यहोवा तू मोला साजरो लक एकान्त रव्हन देसेस।