भजनसंहिता 3

सायता को लाय सक्कारी को पिराथना

दाऊद को भजन। जब उ आपरो टूरा अबसालोम को मोहरा लक परात होतो।

1ओ यहोवा, मोरा बिरोधी बेझा बढ गयी सेत;

लोग मोरो बिरोध्द मा उभा होय रही सेत,

2वय दुस्ट मानूस मोरो बारे मा असी गोस्टी करासेत।

परमेस्वर वोला कभ्भु नहि बचाय सकासेत।

3पर ओ यहोवा, तु च सबरी कन लक मोरी ढाल सेस,

तु च मोरी बड़ाई आस, तु च मोरो डोस्का ला ऊच्चो करन वालो आस।

4मी यहोवा ला उच्चो आवाज मा हाकलु।

उ आपरो पवीतर पहाड़ लक मोला जवाब देह।

5मी आराम करन को लाय सोय सकुसू।

मी जानुसू कि मी चेत जाहु,

येकोलक यहोवा मोला बचाय के मोरी रक्सा करसे।

6भलइ मी उन दहा हजार मानूस को बीच घिर जाउ,

अना मी उन बयरी लक भेव नही खाऊ।

7उठ ओ यहोवा, मोला बचाव, काहेका तू मोरो सबरी बयरी गिन को तदकोड़ी मा मार के दुस्ट को दांत ला तोड़ डाकीसेस।

8उध्दार यहोवा च लक होवासेत,

अना ओ यहोवा, तू आपरो लोगगिन को आसीस देहे।