भजनसंहिता 21

बिजय को इसुतिगान

(परधान बजानवारो को लाय दाऊद को भजन )

1ओ यहोवा, तोरी ताकत लक राजा खुसी होहेत,

तोरो कियो गयो उध्दार लक उ बेजा मगन से।

2तू ना ओको मनोरथ ला पूरो करयो से ,

अखिन ओको टोंड को बिनती ला

तूना असुविकार नही करयो।

3काहेकि तू सजरो आसीस देवत हुयो

ओको लक भेटासेत,

अखिन तूना वोको डोका मा सोन्नो को मुकुट घाला सेत।

4ओना तोरो लक जिन्दगी माँगयो,

अखिन तूना वोला जिन्दगी दान मा दियो से;

तू ना वोला अमर-अमर बेरा को जिन्दगी दियो से।

5तोरो उध्दार को कारन वोकी महीमा मोठो से,

अना वोला यस अना गवरव दियो सेत।1

6काहेकि तू ना ओला हरामेसा को लाय आसीस दियो से;

तू आपरो मोहोरा वोला खुसी अखिन आनंद लक भर देवा से।

7काहेका राजा को भरोसा यहोवा को पर से,

अना परम परधान को करूना लक उ कभ्भू नही टलहे।

8तोरो हात तोरो सब दुसमनहीन ला ढुँढ हेड़े;

तोरो उज्जो हात तोरो बयरिहीन को पता लगाहेत।

9तू आपरो टोंड को मोहरा उनला जरतो हुयो भट्टे को जसो पेटाहेत।2

यहोवा आपरो गुस्सा मा उनला लील डाकेत।

अखिन इस्तो उनला भसम कर डाखे।

10तू उनकी सन्तान ला धरती लक मिटाय देहे ,

अखिन उनको बंस ला मानूस गिन लक मिटाय देहे।

11काहेकि उनना तोरो नुसकान करन को ठानीयो से,

काहेकी उनना असी जुकती हेडयो से

उनला वोय पूरो नही कर सकेत।

12उ उनको पर आपरो तीर चलाहेत,

अखिन उ उनला मुरक के परान लक मजबूर करहेत।

13हे यहोवा, आपरी सामरथ मा महान हो!

हमी गाना गायके ,

तोरो पराकरम को यस गीत आयकवाबिन।