भजनसंहिता 148

पूरो सिरस्टी परमेस्वर को स्तुति करो

1याह को स्तुति करो!

यहोवा को स्तुति सरग मा लक करो ,

वोकी स्तुति ऊँच्चो जघा गिनमा करो!

2ओ वोको सबरी दूतगीन वोकी स्तूती करो,

ओ वोकी सबरी सेना वोकी स्तुति करो!

3ओ दिन अना चन्दा वोकी स्तुति करो,

ओ सबरी उजाड़ो वालो तारागीन वोकी स्तूती करो!

4ओ सबलक ऊच्चो बादल अना

ओ बादल को वरता वालो पानी

तुम दूई वोकी स्तूती करो!

5वोय यहोवा को नाव को स्तुति करो,

काहेका वोच ना हुकुम दियो अना बनायो गयो!

6अखीन वोना उनला सदा-हरामेसा

को लाय अटल कियो से

अना असी बिधि ठयरायो गयो से जोन टलन को नही।

7धरती मा लक यहोवा कि स्तूती करो!

ओ जलचर हुन अना गहेरो सागर।

8ओ बिजली, अना गारगोटी, ओ बरफ अना बादर,

ओ वोको बचन मानन वालो तेज आन्धड़!

9ओ पहाड़ गिन अना सबरी टेकरी

ओ फर देवन वालो झाड़ गिन अना सबरी देवदार गीन स्तुति करो!

10ओ जंगली जनावर गीन अना सबरी घरेलु जनावर,

ओ रेंगनवालो जन्तुगिन अखिन ओ पक्सीगीन!

11ओ धरती का राजा गीन, अना राज-राज को सबरी लोख

ओ सासको अखिन धरती को सबरी न्यायीगिन!

12ओ जुवानगीन अना कुवारीगीन

ओ बुजरूग अना लेकराहुन!

13यहोवा को नाव को स्तुति करो,

काहेकि सिरप वोच को नाव महान से,

वोको महीमा धरती अखिन बादल को वरता से।

14वोना आपरो परजा को लाय एक सींग उच्चो कियो से।

यो वोको सबरी सेवक गीनको लाय

मजे इसरायल गिनको लाय अना वोको

जवर रव्हनवाली परजा को लाय

स्तूती करन को बिसय से।

यहोवा को स्तूती करो!