भजनसंहिता 149

इसराएल परमेस्वर का स्तुति करो

1याह को स्तुति करो!

यहोवा को लाय नवतो गाना गावो,

सेवक बिस्वास लायक सभा मा वोकी स्तुति गावो!

2इसरायल अपरो बनान वालो को कारन खूस होय,

सिय्योन को निवासी अपरो राजा को कारन मगन होय!

3वोय नाचतो हुयो, वोको नाव को स्तूती करो!

अना डफली अना बीन बजातो हुयो,

वोको भजन गाव!

4काहेकि यहोवा आपरो परजा लक खूस रव्हासेत।

उ नरम लोख को उध्दार करके,

उनला सोभा मान करहेत।

5सबा बिस्वास लायक सेवक लोख महीमा को कारन खूसी होय,

अना आपरो हतरनगिन पर भी पड़यो-पड़यो

जय जयकार करो।

6उनको गरो लक परमेस्वर को परसंसा होय!

अखिन वोको हात गिनमा दोधारी तलवार रव्हे!

7का देस-देस लक बदला ले सकेत,

अना राज-राज को लोख गिन ला मारहेत।

8अखिन उनको राजा गिनला संकली लक

अना वोको मा खास मानूस ला

लोहा गिनका बेड़ी लक जकड़ रखो!

9अना उनला ठयरायो हुयो डन्ड देय!

वोको सबरी बिस्वासी सेवक लोख को असोच मान होहेत।

यहोवा को स्तुति करो!