भजनसंहिता 147

सबलक ताकतवर परमेस्वर को स्तुति

1यहोवा को स्तुति करो।

काहेकि आपरो परमेस्वर को भजन गानो साजरो से।

काहेकि ऊ मन भावनवारो से,

वोकी स्तुति करनो केतरो सुखद अना उचित से।

2यहोवा येरूसलेम ला बनाव से

उन हेड़यो गयो इसरायल गिनला

जमा कर रहयो से।

3उन टुटयो मनवारो गिनला चंगा करासे,

अखिन उनको घाव मा मरहम पट्टी बाँधा से।

4ऊ चाँदनी गिनला मोजासे, अखिन

उनमा लक एक-एक का नाव ठेवासे हाकलसे।

5आमरो पिरभू महान अखिन लगत ताकतवर से

वोकी अक्कल अपरम्पार से।

6यहोवा नरम लोख गिनला सम्भालासे,

अखिन दुस्टगिन ला धरती पर पाड़ देवासे।

7धन्यवाद करतो हुयो यहोवा को गाना गावो;

वीना बजात हुयो हमरो परमेस्वर का भजन गावो।

8ऊ बादर को बादरगिन लक सावली देवा से,

अखिन धरती को लाय पानी बरसान को तैयारी करासे।

अखिन पहाड़ गिनमा गवथ उगावासे।

9ऊ जनावर गिनको अखिन कावरा गिनका

बच्चा ला जोन हाकलासे, जेवन देवा से।

10नातो उ घोड़ो गिनको ताकत ला चाव्हासे,

अखिन ना मानूस को पायगीन लक से परसन होवासे,

11यहोवा आपरो डरानवारो लकच खूस होवासेत।

मजे उनलक जोन वोकी करूना पिरेम की आस लगायो रव्हासे।

12ओ येरूसलेम, यहोवा की परसनसा कर!

ओ सिय्योन,

आपरो परमेस्वर को स्तुति कर!

13काहेकि वोना तोरो बेसकुड़ गिनको खम्बा ला मजबूत कियो से,

अना तोरो लेकरा गिनला आसीस दियो से।

14उ तोरो हद मा सुरक्सा सान्ती देवासेत,

अना तोला साजरो लक साजरो गहूँ लक सन्तुस्ट करासेत।

15उ धरती मा आपरो हुकूम को परचार करासेत।

वोको बचन लगत चाल लक धावासे।

16ऊ ऊन को जसो बरफ ला पाडा से,

अना ठन्डो ला को जसी खर्रा बगरावासे।

17उ बरफ को तुकड़ा पाड़ासे

वोकी कियो हुयो थन्ड ला कोन सय सकासेत?

18उ हुकुम देयके उनला गलावासे।

उ वारा ला बोहावासे, तबा पानी बोहान लगावासे।

19उ याकूब को लोखहुन ला आपरो बचन,

अना इसरायील ला आपरो बिधीगीन

अना नियम सांगासे।

20कोनी अना राज लक वोना असो बरताव नही कियो,

अखीन वोको नियम गीन ला अखीन लोख ना नही जानयो।

यहोवा को स्तूती करो!