भजनसंहिता 146

उद्धारकर्ता परमेस्वर का स्तुति

1याह को स्तुति करो!

ओ मोरो मन, यहोवा का स्तुति करो!

2मी जिन्दगी भर यहोवा को स्तुति करतो रव्हून ,

जबा तकन मी बनयो रव्हबीन,

तब तकन मी आपरो परमेस्वर को भजन गावतो रव्हू।

3तुम्हि मुखियागिन पर भरोसा नही राखने,

ना कोनी मानूस पर काहेकी वोको मा

उध्दार करनो भी ताकत नही।

4वोको भी पिरान हिटेत, उ भी माती मा मिल जाहेत,

वोच दिवस माती मा मिल जाहेत,

वोच दिवस वोकी सबरी कलपना नास हो जाहेत।

5का च धन्य से वा, जोनको मदद करन वालो

याकूब को परमेस्वर यहोवा से,

अना जोनको भरोसा अपरो परमेस्वर यहोवा पर से।

6उ बादल अखिन धरती अखिन समुंदर

अखिन उनमा जोन काही से, सबरी ला बनान वालो से,

अखीन उ आपरो अटल बचन हमेसा को लाय पूरो करतो रव्हेत।

7उ कुचलोहुन पिसयो हुओ को नियाय चुकावा से,

अखिन भुखयो गिनला भाकरी देवा से।

यहोवा बन्दी गिनला सोड़ावासे,

8यहोवा अन्धरा गिनला डोरा देवासे।

यहोवा झुकयो गिनला सीध्धो उभो करा से

यहोवा नेक गिन लक पिरेम राखा से।

9यहोवा परदेसी गिनकी रकसा करा से,

अखिन अनाथगिन अखिन बेवा ला तो सम्भालासे,

अना दुस्ट गिनका रास्ता ला टेड़गो- मेड़गो करासे।

10ओ सिय्योन, यहोवा हमेसा को लाय,

तोरो परमेस्वर, पीढ़ी-पीढ़ी राज्य करतो रव्हे।

यहोवा को स्तुति करो!