भजनसंहिता 145:9

स्तुति का गाना

स्तुति दाऊद का भजन

1ओ मोरो परमेस्वर, ओ राजा,

मी तोरो बड़ाई करहुँ,

अखिन तोरो नाव ला हरामेसा धन्य कव्हतो रव्हूँ।

2हर रोज मी तोला धन्य कव्हतो रव्हु।

अखिन तोरो नाव को स्तुति

हरामेसा-हरामेसा करतो रव्हुँ।

3यहोवा महान अखिन लगत स्तुति का लाइक सेस,

अखिन वोको बड़ाई लगत सारी से।

4तोरो कामागिन को परसंसा अखिन

तोरो बीरता को कामागिन का बरनन,

पीढ़ी-पीढ़ी होतो चलयो जाहेत।

5मी तोरो गवरव को महीमा को परताप पर

अना तोरो बेगरो-बेगरो परकार को अचरज

काम पर धियान करहूँ।

6लोख तोरो भयानक कामगिन को ताकत

को चरचा करबोन।

अना मी तोरो मोठो- मोठो कामगीन को बखान करहूँ।

7लोख तोरो मोठो भलाई को हेत करके,

वोको चरचा करबोन

अना तोरो न्याय को जय जयकार करबोन।

8यहोवा किरपा करनवालो अना दयालु

उसीर लक किरोध करनवालो

अना लगत करूना करन वालो से।

9यहोवा सबरी को लाय भलो से,

अखीन वोको दया वोक सबरी सिरस्टी पर से ओको लक सबरी बनायो गयो सेत।

10ओ यहोवा, तोरो सबरी सिरस्टी तोरो धन्यवाद करहेत,

अना तोरो बिसवासी सेवक लोख तोला परसन्सा करबोन।

11वोय तोरो राज को महीमा को चरचा करबोन,

अना तोरो बिरता को बारेमा गोस्टी करबोन।

12का वोय मानूस गिन मा तोरो

बिरता को काम अना तोरो राज को परताप को महीमा परगट करहेत।

13तोरो राज जूग-जूग को अना तोरो सासन

सबरी पीढी तकन बनयो रव्हेत। यहोवा आपरो सबरी बचन अना काम मा बिस्वास जोग से।

14यहोवा सबरी पड़तो हुयो ला संभाला सेत,

अना सबरी झुकयो हुयो ला सीदो उभो करासेत।

15सबरी गिनको डोरा तोरी कन लगयो रव्हासेत।

अना तू उनला जेवन बेरा पर देवासेत।

16तू आपरो मुठ्ठा खोलके,

सबरी पिरानी ला जेवन लक तिरप्त करासेत।

17यहोवा अपरो सब मारग मा न्यायी,

अना अपरो सबरी कामगीन मा करूनामय से।

18जितरो यहोवा ला हाकलासेत,

मजे जितरो वोको सच्चाई लक हाकलासेत।

उन सबरी को उ कठा रव्हासेत।

19उ आपरो डरान वालो को मनसा पूरी करासेत।

अखिन उनकी दोहाई आयक के उनको उध्दार करासेत।

20यहोवा आपरो सबरी चहेतो गिन को तो रक्सा करतो ,

पर सबरी दुस्टगिन को सतियानास करासेत।

21मी यहोवा कि मोरो टोंड लक हमेसा स्तूती करबोन,

अखिन सबरी पिरानी वोको पवीतर नाव ला

सदा-सदा धन्य कव्हतो रव्हबोन।