भजनसंहिता 142

सायता को लाय पिराथना

दाऊद लो मस्किल ,जब उ गुफामा होतो, पिराथना

1मी यहोवा को दोहाई देवासू,

मी यहोवा लक गिड़गिड़ा वासू

2मी आपरो सोक को गोस्टी वोको लक

उघाड़ के कव्हासू

मी आपरो संकट वोको मोहोरा परगट करासू।

3जब मोरो आतमा मोरो भीतर लक

बियाकुल होय रह्यो होतो,

तबा तू मोरो दसा ला जानत होतो!

जोन रास्ता लक मी जावन वालो होतो

वोच मा उन ना मोरो लाय फन्दा लगायो।

4मीना उज्जो कन चोयो

पर कोनी मोला नही चोवासेत

मोरो लाय सरन कही नही रह्यो

ना कोनी मोला पूसासेत।

5ओ यहोवा, मीना तोरी दोहाई दियो से,

मीना कह्यो तू मोरो सरन को जघा से,

मोरो जिन्दो जी तू मोरो हिस्सा आस।

6मोरो चिल्लावनो ला धियान देयके आयक,

काहेका मोरो मोठो दुरदसा भयी गयो से!

जोना मोरो मघा पड़यो सेत, उन लक मोला बचाय ले,

काहेका वोय मोरो लक ताकत वर सेत।

7मोला जेल लक हेड़ कि मी तोरो नाव को धन्यवाद करू!

न्यायी लोख मोरो चारी कन आहेत,

काहेका तू मोरो उपकार करहेत।