भजनसंहिता 141

सन्जा को पिराथना

दाऊद को भजन

1ओ यहोवा, मीना तोला हाकलयो सेऊ,

मोरो लाय लहाकी कर!

जबा मी तोला हाकलू

तब मोरो कन कान लगाय!

2मोरो पिराथना तोरो मोहोरा खुसबू धूप,चघाई *

अखिन मोरो हात फैलाना, सन्जा बेरा को अन्नबली भेट ठयरे।

3ओ यहोवा, मोरो टोन्ड म पेहरेदार लगाव!

जोन मोरो ओठ को दरवाजा को चवकीदारी करे!

4मोरो मन कोनी बुरो गोस्टि को कन नोको मुरकन देय!

मी अनरथ कारी मानूस गिनको संग

दुस्ट कामागिन मा नोको लगुू।

अखिन मी उनको सुवाद वालो जेवन को चीज मा लक काही नोको जेऊ!

5न्यायी मोला मारे ता उ किरपा मानो जाय!

अना मोला मार के सिकाहेत

तो मोरो डोका मा तेल ठयरे।

मोरो डोका वोको लक इन्कार नही करहेत।

लोखगिन को बुरो काम करनो पर भी

मी पिराथना में लवलीन रव्हूँ।

6जबा उनको नियाय चट्टान का जवर पाड़ो गयो ,

तबा उन ना मोरो बचन आयक लेयीन,

काहेकि वोय मिठ्ठो होतीन।

7वय कहेत का, जसो कोन्ही नागर चलायके धरती ला चीर सेत,

वसो च आमरो हाड़गिन कबर को टोन्ड मा बगरो हुयो सेत।

8पर ओ यहोवा पिरभू, मोरो डोरा

तोरोच कन लगयो सेत, मी तोरो सरन मा सेऊ,

तू मोरो पिरान नोको जावन देव!

9मोला वोना फन्दा गिनलक जोन उन ना मोरो लाय लगायो से,

अना अनरथ करनवालो को जाल लक मोरो रक्सा कर!

10दुस्ट लोख अपरो जाल गिनमा खुदच फसे

अना मी बचके हीटू।