भजनसंहिता 140

रक्सा को लाय पिराथना

परधान बजानवालो को लाय दाऊद को भजन

1ओ यहोवा, मोला बुरो मानूस लक बचाय ले,

उपदरी मानूस ना मोरो रक्सा कर

2काहेका उनना मन मा बूरो कलपना करयो सेत,

वोय हर रोज लडाई मचातो रह्यो।

3उनको बोलनो सरप को चाबनो जसो सेत।

उनको टोन्ड मा नाग जसो बीक रव्हासेत

4ओ यहोवा, मोला दुस्ट गिनको हात लक बचाय ले!

उपदरी मानूस लक मोरो रक्सा कर ,

काहेकि उन ना मोरो पायगिन ला

उखाड़न को जुकती करयो सेस।

5घमन्डी गिनना मोरो लाय फन्दा अखिन पासा लगायो सेत।

अखीन उनना रास्ता को किनार मा जाल बिछायो से,

उन ना मोरो लाय फन्दा लगाय के राख्यो सेत।

6ओ यहोवा, मीना तोरो लक कह्यो का

तूच मोरो परमेस्वर आस,

ओ यहोवा, मैं का गिड़गिड़ान को कन कान लगाय!

7ओ यहोवा पिरभू, ओ मोरो ताकतवर उध्दारकर्ता,

तू ना लड़ाई को दिवस मा मोरो डोसका

को रक्सा करयो सेस।

8ओ यहोवा, दुस्ट को इक्सा ला नोको पूरो होवन देय!

वोको बूरो जुकती ला नोको सफल होवन देय!

नही ता वा घमन्ड करहेत।

9जोन लोख मोला घेरासेत, उनको डोका उनको ओठ लक पयदा भयो बुराई लक झाक दियो जाय!

उनको च बिचारो हुयो उपदरा पडे।

10उनको पर स्तो डाको जाय!

वोय स्तो मा पाड़ दियो जाय!

अना असो खोदरा मा पड़े का वोय मग नोको उठन पाय!

11बकवादी धरती मा पक्को नही होनको,

उपदरी मानूस ला पाडन को लाय

बूराई उनको मघा जाहेत।

12ओ यहोवा, मोला पक्को से का तू

दीन जन को अखिन कंगाल गिनको नियाव करहेत।

13बेसक न्यायी तोरो नाव को धन्यवाद करनो पाहेत,

सीदो लोख तोरो मोहोरा बास करेत।