भजनसंहिता 13

संकट को बेरा सहायता को लाय पिराथना

( परधान बजानवारो को लाय दाऊद को भजन)

1हे परमेस्वर, कब लक

काय तू हमेसा मोला भूलयो रव्हजोस ?

तू कब तकन आपरो चेहेरा छिपाय रव्हजोस?

2मी कब लक आपरो मन ला मनावतो रव्हु,

अखिन दिवस भर आपरो हिदय मा दुखित रव्हत करुँ?

कब लक मोरो दुसमन मोला लक बलवा करहेत।

3हे मोरो परमेस्वर यहोवा, मोरी ओर धियान दे

अखिन मोला जवाब देव,

मोरी डोरागीन मा उजियारो आवन दे,

नहीं तो मोला मरन की जप आय जाहे ;

4एसो न होय कि मोरो दुसमन कहे

“मी ओको पर परबल हो गयो;”

अखिन एसो न होय कि जब मी डगमगावन लगू

तो मोरो दुसमन मगन होय।

5पर मी ने तो तोरी करूना पर भरोसा राखयोसे;

मोरो हिरदय तोरो सूटकारा लक खुसी भयी।

6मी परमेस्वर को नाव को भजन गाहुँ

काहेका ओने आपरो करूना को अनुसार मोरी उध्दार करी से।