भजनसंहिता 12

मद्दत को लाय पिराथना

(परधान बजावनवारो को लाय खरच को राग मा दाऊद को भजन

1हे यहोवा, बचा ले, काहेकि एक भी नेक मानूस नही रह्यो,

मानूसगिन मा लक बिस्वासी लोग मर मिटो से,

2हरेक मानूस आपरो सेजारी लक झूठी गोस्टी कव्ह से;

अना एकमेक लक

चापलूसी करके धोका देवासेत।

3परमेस्वर सब चापलुस ओठ ला अखिन

ओ जिबली ला जहाँन लक मोठों सबद हिटासे

काट डाके।

4आमरो सबद लक वो अमी ला वय भेटासे,

जोन अमी चाव्हासेजन,अमी वोच चाव्हासेजन

वोय कव्ह से, “अमी आपरी जिबली च लक जीत बोन,

आमरो ओंठ आमारो बस मा से;

आमरो पिरभू कउन से?”

5पिरभू कव्हासे, “काहे कि जोनला जरूरत से ,

उन पर अतियाचार करयो जावासेत,

अना तंगायो हुयो दरद मा कुन्हावासेत।”

मी उनला वोय सुरक्सा मुक्ति देहुँ जोनको उनला आस सेत।

6परमेस्वर को बचन पवीतर से,

ओ खूरो को समान जो भट्टी मा माटी पर ताई गयो से।

अखिन सात गन जाच के निरमल कियो गयो।

7तू च मोरो परमेस्वर उनकी रक्सा करहे,

उनला यो जुग को लोगगिन लक हरामेसा

को लक बचाय रखहे।

8जब मानूस को नीचपन को मान होव्ह से

तबा दुस्ट लोग आखा- पाखा अकड़त फिरसेत।