भजनसंहिता 14

मानूस को मूरखता अखिन दुस्टता

(परधान बजावनवारो को लाय दाऊद को भजन )

1मुरख ना आपरो मन मा कव्हासे,

“कोनी परमेस्वर च नहाय”

वय बिगड़ गयीन, उनना घिनोना काम करयो सेत,

कोनी साजरो काम करन वालो नहाय

2परमेस्वर ना सरग मा लक मानूस गिन पर निघा करी से

कि कोनी अक्कलवर, कोनि परमेस्वर कि खोजी से या नहात।

3वय सब को सब भटक गइन वय सब भस्ट भय गइन ,

कोनी साजरो काम करन वालो नहाय एक भी नहाय।1

4का कोनी बूरो करन वालो ला काही भी गियान नहाय

जोन मोरो लोखगिन एसो खाय जासे जसो भाकर

अखिन परमेस्वर को नाव नही लेवासेत ?

5वहाँन उन पर भेव छाय गयो,

काहेकि परमेस्वर न्यायी लोखगिन को

बीच मा लगातार रव्ह से।

6तुमी तो दीन की जुक्ति कि हासी उड़ावासो

पर यहोवा ओको सरन लेवन को जघाह से।

7भला होवतो कि इसरायल को उध्दार

सिय्योन लक परगट होवतो

जब यहोवा आपरी परजा ला

गुलामी लक लवटा ले आहे

तबा याकूब मगन अखिन इसरायल खुसी होयेत।