भजनसंहिता 129

इसरायल को सतरूगिन को बिरोध मा पिराथना

यातरा को गाना

1इसरायल अता यो कव्हे

“मोरो जुवानी लक लोख मोला

लगत बार दुख देवतो आयो सेस,

2मोरो जुवानी लक लोख मोला

लगत बार दुख देवतो आयो सेस, लक वोय मोरो जीत नही भयो।

3नागरिया ना मोरो पाठ को वरता नागर चलाय के लम्बो-लम्बो तास धरयो से।

4यहोवा न्यायी से, उ ना दुस्टगिन को

फन्दागिन ला काट डाकयो,

5जेतरो सिय्योन लक गुस्सा राखासेत,

उन सबरी को आस टूटेत,

अखिन उनला मघा सरकनो पडहेत!

6वय छप्पर मा को गवथ को जसो सेत,

जोन बढन लक मोहरा सूक जासेत।

7जोन लक कोनी मिसन वारो आपरो मुठ्ठा नही भरासेत,

अना कोनी बोझा बाधन वारो आपरो कवटा भरनो पावासेत।

8अखिन आन-जान वाला यो कव्हासेत

का यहोवा को आसीस तुमरो पर होय!

अमी तुम्हिला यहोवा को नाव लक आसीरवाद देवासेत।