भजनसंहिता 130

मदद को लाय पिराथना

यातरा को गाना

1ओ यहोवा, मीना गहेरो

निरास को जघागिन मा लक तोला हाकलयो!

2ओ पिरभू मोरो पुकार आयक!

तोरो कान मोरी पिराथना गिन को सबद पर धियान देते रव्ह!

3ओ पिरभू,अदि तू आमरो पाप गिनको लेखा राखेत ,

तो दोसी ठयरायो जावनो मा कोन बचो रव्ह सका सेत?

4पर तू छिमा करनवारो से,

जोन लक तोरो भेव मानो जाय!

5मी यहोवा को बाट चोहु

मी ललक लक वोको रास्ता चोहुँ!

अखिन मोरो आसा वोको बचन मा से।

6जितरो चाहत लक रात मा रखानवालो सक्कारी को इन्तेजार करासेत,

वोको लक कही जादा चाहत लक मी पिरभू को इन्तेजार करासू।

7इसराइल यहोवा पर आसा लगयो रव्ह!

काहेका यहोवा करूना करनवाला

अखिन सप्पा पाप लक छुटकारा देवनवाला सेत।

8इसराइल को लोख हुनला वोको सारो पाप हीनको कामागिन लक

उ सूटकारा देहेत।