Powari Standard Project
भजनसंहिता 128
परमेस्वर को भेव मानन को आसीस
(परमेस्वर को आदेसकारी को पुरुसकार यातरा गीत )
का च धन्य से हरेक जोन यहोवा भेव मानासेत,
अखिन वोको मारग गिनमा चलासे!
तू आपरो कमाई कियो हुयो ला पक्को खावनो पाहेत,
तू धन्य होहेत, अखिन तोरो भलो च होहेत।
तोरो घर का भीतर तोरी बायको
फलवन्त अंगूर को बेला जसी होयेती,
तोरो मेज को चारी कन तोरो लेकरा
अना जवान जयतून को पवधा जसी होहेत।
आयक, जोन मानूस यहोवा को भेव मानासेत,
उ असोच आसीस पाहेत।
यहोवा तोला सिय्योन लक आसीस देये!
अखिन तू जिन्दगी भर येरूसलेम
नगर को कुसल चोवतो रव्हेत!
पर तू आपरो नाती-पन्ती ला जित्तो भी चोहेत!
इसरायल ला सांती भेटत!
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.