भजनसंहिता 127

परमेस्वर को भलाई को इसुतिगान

यातरा का गाना-सुलैमान का

1अदि घर ला यहोवा नोको बनाय,

ता वोको बनान वालोगिन को मेहनत बेकार होहेत।

अदि नगर को रक्सा यहोवा नही करहेत,

ता रखान वालो को जगनो बेकार होहेत।

2तुमी जोन भुन्सारे उठत अना उसीर करके बिसराम करासो

अना दुख भरो भाकर खावासो

यो सबरी तुमरो लाय बेकार च से,

काहेका उ आपरो चहेतो ला असोच जप देवासेत।

3चोवो , लेकरा गिन यहोवा को दियो हुयो हिस्सा सेत,

पोट को फर वोको कन लक फर सेत।

4जसो बीर का हात मा तीर,

वसो च जवानी का टुरागिन होवासे.

5का च धन्य आय उ मानूस जोन ना आपरो तरकस ला उनलक भर लियो होय!

उ बेसकूड़ को जवर दुस्मन गिन लक

गोस्टि करत संकोच नही करहेत।