भजनसंहिता 112

परमेस्वर के भक्‍त का आँनद

1यहोवा की बड़ाई करो! का धन्य से ऊ अदमी जोन यहोवा को भेव माना से,

अना वोको आदेस लक बेझा खुस रव्हासे।

2वोको बंस धरती मा सक्तिसाली होहे,

सीदो लोगहुन की सन्तान आसीरवाद पाहे।

3वोको घर मा माया रव्हासे, अना वोको न्याय सदा बनयो रव्हे।

4सीदो लोगहुन लायी इन्धारो मा भी उजाड़ो होसे।

ऊ किरपालु, दयालु अना न्यायी होसे।

5जोन अदमी किरपा करासे अना उधार देसे,

अना ईमानदारी लक अपरो काम करासे,

वोको कल्यान होसे।

6ऊ ता सदा अटल रव्हे, न्यायी की सदा हेत रव्हे।

7ऊ बुरी खबर लक भेव नही खाय,

वोको भरोसा यहोवा मा अटल से।

8वोको हिरदा पक्को से एकोलायी ऊ भेव नहात,

जबा तकन अपरो बयरीगिन पर जीत वालो निघा नही करेत,

तब तकन ऊ भेव नही खाहे।

9वोना दया लक गरीबगिन ला दान दियो से,

वोको न्याय सदा बनयो रव्हे, अना डोसका मान

लक ऊंचो करयो जाहे।

10पापी असो चोयके गुस्सा होहेत ऊ दांत पीस-

पीसके गलके मर जाहे।

पापी की इक्सा पूरी नही होवनकी।