Powari Standard Project
भजनसंहिता 113
बड़ाई करन वालो नाव
यहोवा की बड़ाई करो!
होय यहोवा का दासगिन
यहोवा की अना वोको नाव की बड़ाई करो!
यहोवा को नाव अबा लक धरके सदा तकन धन्य कह्यो जाहे।
दिनउगती लक दिनबुड़त तकन
परमेस्वर को नाव बड़ाई करन को काबील से।
यहोवा सबच रास्ट गिनको वरता महान से।
वोकी बड़ाई बादल लक भी ऊंची से।
आमरो यहोवा को बरोबर कौन से?
ऊ ता ऊंचो मा सिघासन बिराजमान से।
बादल अना धरती वोला चोवन लाय झूका से।
ऊ कंगाल ला माटी मा लक अना
गरीब ला घुड़ो मा लक उठाय के ऊचो करासे।
का उनला सायनागिन संगा, बसाय सका।
ऊ बांझगिन ला खुस मनावन वाली माय बनावा से।
यहोवा की बड़ाई करो।
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.