भजनसंहिता 111

पिरभू को स्तुति मा

1यहोवा की स्तूती करो! मी सीधा लोगहुन की मन्डली मा,

सच्चो मन लक यहोवा को धन्यवाद करहुं।

2यहोवा का काम मोठा सेत, जेतरा उनको लक

खुस रव्हासेत, वय वोको धियान करासेत।

3वोका काम बड़ाई अना मान लक भरया रव्हासेत,

अना वोको न्याय सदा तकन बनयो रव्हे।

4वोना अपरो चकित काम गिनको हेत करायो से,

यहोवा किरपा करनवालो अना दयालु से।

5वोना अपरा डरवैया भक्तगिन ला जेवन देवासे,

ऊ अपरो वादा ला सदा हेत ठेवासे।

6वोना अपरी पिरजा ला देसगिन को अधिकार दियो से, राज--राज को भाग,

अपरो कामगिन को लक राज को लोख हीनला अपरी वारसाना जमीन देवन को लाय ताकत चोवायो से।

7सच्चाई अना नियाव वोको हात का काम सेत,

वोका सब आदेस सही सेत।

8वय सदा अटल रहेत, वय सच्चाई लक अना धारमिकता लक करया हुया सेत।

9वोना अपरी पिरजा को उध्दार करयो से, अपरी करार ला सदा लायी पवीतर ठहरायो से,

वोको नाव भेव लायक से।

10पिरभू की भेव करनो अक्कल की सुरुआत से,

जेतरा वोको आदेस मानासेत, वोकी समझ साजरी होसे,

वोकी बड़ाई सदा बनी रव्हे।