भजनसंहिता 110

परमेस्वर अखीन वोको बेचयो गयो राजा

दाऊद को गाना

1पिरभू ना मोरो मालीक लक कह्यो,

“जबा तकन मी तोरा बयरी गिनला तोरो पाय को

खाल्या नही कर देंऊ तबा तकन तू मोरो उजोकन बसयो रव्ह।”

2तोरो सक्ति को राजदंड यहोवा सिय्योन लक बढ़ाहे।

तू “अपरो बयरी गिनको बीच मा सासन कर।”

3तोरी पिरजा तोरो जीत को बेरा अपरी मरजी लक खुद ला सोप देसेत,

तोरा परजा को लोग पराकरम को दिवस खुदको मनसा को अनुसार बली बनासेत, तोरो जुवान पवीतरता लक सोभायमान ,

अना पहाट को गरभ लक जनमी ओस जसो तोरो जवर से।

4पिरभू ना कसम खायो से अना ऊ अपरो फैसला नही बदलन को,

तू मलकीसेदेक को जसो सदा लायी याजक सेस।

5पिरभू तोरो उजो हातकन होयके अपरो गुस्सा को

दिवस राजा गिनला हराय देहे।

6ऊ देस-देस को नियाव करहे, बिसाल जाघा लासगिन लक भर जाहे,

ऊ मोठो-मोठो देस का राजागिन ला चुरा-चुरा कर देहे।

7ऊ रास्ता लक चलतो हुयो नद्दी को पानी पिहे,

अना तबा ऊ जीत को बाद मा अपरो डोसका ऊंचो करहे।