भजनसंहिता 1

(पहेलो भाग )

(भजनसंहिता 1—41)

नेक अना दुस्ट मानूस

1का च धन्य से उ मानूस,

जोन दुस्ट मानूस को बाट पर नही चलासे।

अना ना च पापी हुनको रास्ता मा उभा होवासे।

अना मजाक उड़ावन वालो जुक्ति करन वालो कि मंडली मा नही बसासेत!

2एको सिवाय उनला पिरभू को

कानून पालन करनो मा खूसी भेटासेत।

अना वय रात-दिवस एकोच पर धियान धरासेत।

3ओ मानूस पानी को धार को

किनार मा लगायो गयो ऊ झाड़ को जसो से,

जोन आपरो बेरा मा फर देवासे अखिन

ओको पान कभ्भु च नही कुमलावासे,

उ जोन करा से उ सुफल होवासे।1

4पर बूरो मानूस बिलकुल असो नही होवत,

वय भूसा को जसो से

जोन वारा लक उड़ायो जावा से।2

5एको लक बूरो मानूस परमेस्वर को अदालत मा टिको नहि रव्ह सकत,

अखिन पापी नेक लोख को मन्डली मा नहीं ठयरेत।

6पर यहोवा नेक लोख को रास्ता जाना से

पर बूरो को रास्ता खतम होय जासे।