सभोपदेसक

सभोपदेसक

सभोपदेसक

परिचय

सभोपदेसक एक असी किताब से जोन जिन्दगी को लाय अक्कल सिकावा से । किताब को हिबरू सिरसक को मन्जे से जोन लोकहुन को लाय जमा करासे लगत सो अक्कलवर मान से कि राजा सुलैमान सभोपदेसक को लेखक होतो , अखिन लोकहुन एको लक सहमती नहाय । अदि यो किताब सुलैमान ना लिखयो होतो , तो यो 970-931 ईसा पहले को आखा- पाखा लिखयो गयो होतो । यो तबा को से जब उ जिन्दो होतो। दुसरो गियानी को माननो होतो का यो अखिन कोनि दुसरो लक लिखयो गयो से , काहेका कभ्भु-कभ्भु यो मा राजा की बजाय सेवक को भासा को परयोग कियो जावासेत (सभोपदेसक 5:8-9)। उन गियानी गिन को माननो से का सभोपदेसक को किताब सुलैमान को बेरा को बरोबरी मा लगत बेरा मा लिखयो गयो होतो। साईद 400 अखीन 200 ईसा को पहेले मा। सभा उपदेसक यो सांगके सूरूवात करासे, का सप्पा काही एक सांस को जसो से जोन गदने गायब भयी जावासे 1:2। एको मतलब यो से का आमरो जिन्दगी अना आमरो काम पक्को नहात। अना एला समजनो मुस्किल से एकोमा लगत सो लक जरा सो उसीर को बेरा मा बिसरा दियो जाहेत। एको लगतसो हिस्सा आमरो बस लक बाहेर से। जिन्दगी जसो होतो वसोच सुविकार करनो पाहिजे अखीन जोन तुमरो जवर से वोमा खूसी तपासनो लगत साजरो से 9:9। जिन्दगी को सप्पा मुस्किल गिन अना खुसी गिन मा बिचार करतो हुयो किताब को सार, परमेस्वर को भेव माननो अखिन वोको हुकुम गिनको पालन करनो से 12:13। उ सबलक खास गोस्टी से।

सभोपदेसक को रूपरेखा:

1. सभोपदेसक को अध्याय 1 मा, 1 लक 11 पद तकन किताब को लेखक अखीन उनको जिन्दगी को काही अनुभव को परिचय देवासेत।

2. अध्याय 1:12 लक 6:9 तकन जिन्दगी को अरथ मा चरचा कियो गयो से।

3. अध्याय 6:10 लक 12:8 तकन सिक्सक को सला देवासेत।

4. आखीर मा, अध्याय 12, पद 9 लक 14 असो सांगके किताब को आखीर करासेत का जिन्दगी को पूरो उद्देस्य परमेस्वर को भेव माननो अना वोको हुकूम गिनको पालन करनो से।