Kulvi Outer Seraji Bible
भज़न 150:6
Verse 6 is marked below, with the whole chapter around it. Read from the start
बिधाता आसा आपणीं परज़ा लै भलअ
सोभै करा परमेशर बिधाते ज़ै-ज़ैकार।
तेऊए पबित्र ज़ैगा करा तेऊए ज़ै-ज़ैकार!
स्वर्ग करा तेऊए ज़ै-ज़ैकार ज़ेथ तेऊओ महान बल आसा।
बिधाता ज़ुंण महान काम किऐ, तेता लै करा तेऊए ज़ै-ज़ैकार,
तेऊए ज़ेतरी बी बड़ैई करे सह आसा थोल़ी, तेऊए करा ज़ै-ज़ैकार।
नर्शिंगै बाज़दी करा तेऊए ज़ै-ज़ैकार,
बींन अर तारा आल़ै बाज़ै बाज़ी करा तेऊए ज़ै-ज़ैकार।
गुज़ै-बाज़ै संघै करा नाट पाई तेऊए ज़ै-ज़ैकार,
बशूरी अर सरनाई बाज़ी करा तेऊए ज़ै-ज़ैकार।
डफाला अर छ़छ़ाल़ा बाज़ी करा तेऊए ज़ै-ज़ैकार,
ज़ेते छ़ेल़ ज़ोरै शुण्हिंआं।
सोभै ज़िऊंदै ज़ीब करा तेऊए ज़ै-ज़ैकार!
बिधाते करा सोभै ज़ै-ज़ैकार!
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.