2 तिमोथी

2 तिमोथी

तिमोथी लै लिखी दी दुजी च़िठी

भेत

लिखणैं आल़अ: पल़सी

पहल़णैं आल़ै: तिमोथी

सन: 67-68

तिमोथीए नाओंऐं पल़सी शधाणूंए च़िठी आसा पल़सीए एकी ज़ुआन साथी अर दासे रुपै काम करनै आल़ै तिमोथी लै एक खास सलाह। एते खास गल्‍ल आसा सबर करनअ। तिमोथी लै दैआ सह सलाह अर हैअ विश्वास कि दुख-तकलिफी अर ज़ीदा मांझ़ै बी रहे सह शुचअ-पाक्‍कअ रही प्रभू ईशूए शाजत दैंदअ लागी। खुशीओ समाद अर पराणैं बधाने शुची शिक्षा दी बी रहे सह पाक्‍कअ बणी अर एक सखाऊंणै आल़ै अर प्रच़ार करनै आल़ेए रुपै बी रहे सह ज़िम्मैंबारी पूरी करदअ लागी।

तिमोथी लै बोला सह ज़ोर दैई करै, “ऐडै ज़िहै नथोघै झ़गल़ै” दी पल़ी पैईदा हआ खातरे बारै चतैनगी दैनी दी। एता करै फाईदअ ता निं हंदअ अर शुणनै आल़ै लै बी हआ बनाशो कारण।

इना दी आसा तिमोथी लै लिखणैं आल़ै आपणीं ज़िन्दगीए मकसद-तेऊए विश्वास, ज़िरने शगती, झ़ूरी, सबर, दाह-दुखे गल्‍ला आद फरेऊई दी।

पल़सी का थिअ थोघ कि ज़हा प्रैंदै सह विश्वास करा, तेता पिछ़ू हणीं तेऊए छ़ेक्‍कै मौत। पर ज़िहअ सह तेऊ विश्वासा लै शुचअ-पाक्‍कअ रहअ, तेतो फल जाणअ तेऊ भेटी अर सह फरेऊआ तिमोथी का तेऊ शुचै समादा आद:

“अह आसा शुची गल्‍ल, ज़ै हाम्हैं मसीहा संघै मरे हाम्हैं हणैं तेऊ संघै ज़िऊंदै बी। ज़ै हाम्हैं सबर करी ज़िरदै रहे लागी, तै करनअ हाम्हां मसीहा संघै राज़ बी।”

(2:11,12)

कताबे बांड

भेत 1:1,2

बड़ैई अर शिक्षा 1:3—2:13

सलाह अर चतैनगी 2:14—4:5

पल़सीए आपणीं हालत 4:6-18

नचोल़ 4:19-22