Kulvi Outer Seraji Bible
1 इतिहास 8
बिन्यामीने होर आद-लुआद
बिन्यामीने तै पांज़ शोहरू ज़ेठै का कान्हैं तैणीं ईंयां: बेला, अशबेल, अहारा, नोहा अर रापा।
बेले आद-लुआद तै ईंयां: अदार, गेरा, अबिहूद, अबीशू, नामान, अहोह, गेरा, शपूपान अर हूराम।
एहूदे आद-लुआद नामान, आहिजा अर गेरा थिऐ तिन्नें मूल़ ज़ुंण गिबा नगरी थिऐ बस्सै दै। पर तिंयां काढै तिधा का पोर्ही संघा बसाऊऐ मनाहत नगरी। तिन्नां गलामी दी पाणै आल़अ थिअ उज्ज़ा अर आहीहूदो बाब।
शहरैमै दैनी आपणीं दूई बेटल़ी हूशीम अर बारा छ़ाडी। बादा का बस्सअ सह मोआब देशै अर तिधी किअ तेऊ होदेश नाओंए बेटल़ी संघै बैह अर तैहा का हुऐ तेऊए सात शोहरू: जोबाब, ज़िबिया, मेशा, मलकाम, जेऊज़, साक्या अर मिर्मा। ईंयां सोभै हुऐ आपणैं-आपणैं खिंबे मूल़ मणछ।
शहरैमे तै तेऊए लाल़ी हूशीमा का दूई शोहरू हुऐ दै: अबितूब अर एलपाल।
एलपाले तै आजू चअन शोहरू हुऐ दै: एबेर, मिशाम अर शमेद। सह थिअ शमेद ज़ुंणीं ओनो, लूद नगरी अर तेता ओरी-पोरी गराअं बसाऊऐ।
बिन्यामीन गोत्रा मांझ़ै ज़ुंण गात अर अजालोन नगरी बस्सै
बरीया अर शेमा थिऐ तिन्नां टोलीए मूल़ ज़ुंण अजालोन नगरी थिऐ बस्सै दै। तिन्नैं काढै गात नगरी बस्सै दै लोग तिधा का पोर्ही। बरीया का थिई आजू आद-लुआद ईंयां: आहीऊ, शशाक, जरमोत, जबदीया, अराद, एदेर मिकाईल, ईशपा अर जोहा।
बिन्यामीन गोत्रा मांझ़ै ज़ुंण एरुशलेम तै बस्सै दै
एलपाले आद-लुआद थिई आजू: जबदीया, मशूलाम, हिजकी, हेबेर, ईशमेरी, इजलिया अर जोबाब।
शिमीए आद-लुआद आसा तै: जाकीम, ज़िक्री, जबदी, एलीनाई, ज़िलेताई, एलीएल, अदाया, बराया अर शिम्रात।
शशाके आद-लुआद आसा तै: इशपान, एबेर, एलीएल, अबदोन, ज़िक्री, हनान, हनन्याह, एलाम, अनातोत, इपदेया अर पनूएल।
जेरोहामे आद-लुआद थिऐ शमशरी, शहर्या, अताल्या, जारेशिया, एलियाह अर ज़िक्री।
ईंयां सोभै तै बिन्यामीन गोत्रा का आपणैं-आपणैं खिंब अर टोलीए मूल़ मणछ ज़ुंण एरुशलेम नगरी तै बस्सै दै।
बिन्यामीन गोत्रा मांझ़ै ज़ुंण गबोन नगरी तै बस्सै दै
जेइलै2 बसाऊई आपणैं शोहरूए नाओंऐं गबोन नगरी संघा बस्सअ तिधी। तेऊए लाल़ी नाअं थिअ माकाहा। तेऊओ ज़ेठअ शोहरू त अबदोन अर तेऊए होर शोहरू तै सूर, कीश, बाल, नेरी, नादाब, गदोर, आहीऊ, जेकेर अर मिकलोत ज़ुंण शिमेहो बाब थिअ। तिन्नें आद-लुआदा मांझ़ै बी तै कई एरुशलेम नगरी तिन्नें खिंबे होरी टोली संघै बस्सै दै।
राज़ै शाऊले आद-लुआद
कीशे शोहरू राज़ै शाऊले तै च़ार शोहरू: जोनातान, मोलकीशूआ, अबीनादाब अर इशबशेत। जोनातान थिअ मोपीबशेतो बाब अर तेऊओ शोहरू त आजू मिका।
मिके थिऐ च़ार शोहरू हुऐ दै: पिथोन, मोलक, तारअ अर अहाज। अहाज त जहोयादो बाब अर तेऊए तै आजू चअन शोहरू: एलीमेथ, अज़मबेथ अर ज़िम्री। ज़िम्रीओ शोहरू त मोसा मोसा का हुअ बिनी, बिनी का हुअ रापा अर रापा का हुअ एलासा अर एलासो शोहरू त अजेल।
अजेले तै छ़ह शोहरू: अज्रीकाम, बोकरू, इशमाईल, शराया, ओबेदियो अर हनान। बिन्यामीन गोत्रा का अजेले भाई-बंध एशेके थिऐ चअन शोहरू: ऊलाम, जेऊश अर एलीपेलेत।
ऊलामे आद-लुआद तै मशूर सपाही अर कतीर-कबाणे ज़बर ज़ाणकार। तेऊए हुऐ एक शौ पज़ाह पोचै अर पल़पोचै। ईंयां सोभै थिऐ बिन्यामीन गोत्रा का।
Source notes (2)
- Cross-reference 1 इति. 9:35
- Footnote जेइलै इब्रानी दी निं अह नाअं आथी पर धैअ 9:35 दी आसा लिखअ द।
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.