Kulvi Outer Seraji Bible
1 इतिहास 3
दाबेदो खिंब
राज़ै दाबेदे राज़धानी ती पैहलै हेब्रोन नगरी, तिधी रहंदी हुऐ तेऊए छ़ह शोहरू: अमनोन हुअ जज्रेल नगरी का आणी दी आहीनोमा का, दुजअ शोहरू दानिएल हुअ कर्मेल नगरी का आणी दी अबीगेला का। चिऊथअ शोहरू अबशलोम हुअ गशूर देशे राज़ै तलमाईए शोहरी माकाहा का अर च़ौथअ शोहरू त अदोनियाह अर तेऊए ईज ती हागीता। पांज़ूअ शोहरू त शपताह अर तेऊए ईज ती अबीताल। छ़हुअ शोहरू त ईतराम ज़सरी ईज एगला थिई।
राज़अ दाबेद रहअ हेब्रोन नगरी साढै साता साला तैणीं।
तेखअ बणाईं तेऊ आपणीं राज़धानी एरुशलेम अर तिधा का किअ तेऊ तेत्ती साला तैणीं इज़राईली प्रैंदै राज़ अर एरुशलेम नगरी बी हुऐ तेऊए खास्सै शोहरू।
तेऊए लाल़ी अमीएले शोहरी बेथ-शुआ का हुऐ च़ार शोहरू: शिमा, शोबाब, नातान, सुलैमान।
राज़ै दाबेदे थिऐ नौ होर शोहरू बी: ईभार, एलीशू, एलीपेलेत, नोगह, नपेग, ज़ापी, एलीशामा, एल्यादा, एलीपेलेत। इना शोहरू का लाऊआ तै राज़ै दाबेदे होर डाही दी बेटल़ीए बी शोहरू। राज़ै दाबेदे ती एक शोहरी बी तैहा नाअं त तामार।
सुलैमाने आद-लुआद
राज़ै सुलैमानो खिंब डेऊअ बाबा का शोहरू लै पोस्ती-दर पोस्ती इहअ: सुलैमान, रहबाम, अबियाह, आसाह, जहोशापात, जोराम, अहाजया, जोआश, अमास्या, उज़ियाह, जताम, अहाज, हिजकिया, मनिश्शे, अमोन, जोशिया।
जोशिया राज़े थिऐ च़ार शोहरू: सोभी का ज़ेठअ जोहनान, जेहोकीम, सिदकिया अर शलूम। जेहोकीमे थिऐ दूई शोहरू जकोनया अर सिदकिया।
जकोनया राज़े आद-लुआद
जकोनया राज़अ ज़ुंण बाबेल देशे माहा राज़ै कैद करी बाबेल देशा लै निंयं, तेऊए तै सात शोहरू: शालतीएल, मल्कीराम, पदायाह, शेनसर, जकमिया, होशामा अर नेदाबिया। जेहोकीने शोहरू पदाये तै दूई शोहरू जरूबाबेल अर शिमी। जरूबाबेले तै आजू मशूलाम अर हनन्याह शोहरू अर इना दूई संघै ती एक शोहरी हुई दी तैहा नाअं त शेलोमीत। जरूबाबेले तै पांज़ होर शोहरू बी: हशूबा, ओहेल, बरेक्याह, हसादया अर जूशब-हेसद।
जरूबाबेले शोहरू हनन्याहे बी थिऐ दूई शोहरू पलतीया अर जेशाईया। जेशाईयो थिअ रपाया नाओं एक शोहरू, रपाया त अर्नानो बाब, अर्नानो शोहरू त ओबेदियो अर ओबेदियो शोहरू त शकनया।
शकनयो त आजू एक शोहरू तेऊ नाअं त शमयाह अर शमयाहे तै आजू पांज़ शोहरू: हतूश, ईगाल, बरीया, नेरीया अर शापात। नेरीए तै आजू चअन शोहरू हुऐ दै: एलोनाई, हिजकिया अर अज्रीकाम। एलोनाईए तै सात शोहरू हुऐ दै: होदाबया, एलियाशिब, पेलिया, अकूब, जोहनान, दलाया अर अनानी।
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.