Kulvi Outer Seraji Bible
1 इतिहास 24
प्रोहता लै ज़िम्मैंबारी
हारणे आद-लुआदा मांझ़ै तै प्रोहते ज़ुदै-ज़ुदै दल। हारणे तै च़ार शोहरू: अबीहू, नादाब, एलीआजर अर ईतामार। पर हारणे दूई शोहरू नादाब अर अबीहू तै हारणे ज़िऊंदी ज़िता मरी गऐ दै अर तिन्नें लुआद बी निं आथी ती किछ़ै हुई दी। तेखअ रहै एलीआजर अर ईतामार प्रोहते कामां करदै। राज़ै दाबेदै बांडै तिंयां ज़ुदै-ज़ुदै दला दी संघा सभाल़अ तिन्नां का तिन्नों काम। एलीआजरे आद-लुआदा मांझ़ै छ़ांटअ तेऊ सदोक अर ईतामारे आद-लुआदा मांझ़ै छ़ांटअ तेऊ आहीमोलक।
एलीआजर प्रोहते आद-लुआदा मांझ़ै बणाऐं तेऊ सोल़ा दल अर ईतामारे आद-लुआदा मांझ़ै बणाऐं आठ दल। किल्हैकि एलीआजरे खिंबा दी थिई आजू खास्सी टोली। एलीआजर अर ईतामार दुहीए आद-लुआदा मांझ़ै छ़ांटै बिधाता सेटा परच़ी पाई, पबित्र ज़ैगा लै कार-करिंदै अर प्रोहत। लेबी गोत्रा का थिअ नतनेलो शोहरू शमयाह, सह थिअ शास्त्री अर काईथ, तेऊ डाहै तिन्नां सोभी दले सैणें नाअं लिखी अर तेते शाजत तै राज़अ दाबेद, तेऊए कार-करिंदै, सदोक प्रोहत, अबतारो शोहरू आहीमोलक, प्रोहत अर लेबी गोत्रे सोभी टोलीए सैणैं। एलीआजर अर ईतामारे आद-लुआदा मांझ़ै निखल़ै परच़ी पाई इने नाअं:
पैहली परच़ी दी निखल़अ जेहोयारीबो नाअं।
दुजी परच़ी दी निखल़अ जदायो नाअं।
चिऊथी परच़ी दी निखल़अ हारीमो नाअं।
च़ौथी परच़ी दी निखल़अ सोरीमो नाअं।
पांज़ूई परच़ी दी निखल़अ मलकिजो नाअं
छ़हुई परच़ी दी निखल़अ मिजामीनो नाअं।
सातुई परच़ी दी निखल़अ हकोज़ो नाअं।
आठुई परच़ी दी निखल़अ अबियाहो नाअं।
नहुई परच़ी दी निखल़अ जेशूओ नाअं।
दसुई परच़ी दी निखल़अ शकनयो नाअं।
गैर्हूई परच़ी दी निखल़अ एलियाशिबो नाअं।
बार्हूई परच़ी दी निखल़अ जाकीमो नाअं।
तेर्हुई परच़ी दी निखल़अ हुप्पो नाअं।
च़ौदुई परच़ी दी निखल़अ जेशबेबो नाअं।
पंद्रुई परच़ी दी निखल़अ बिलगो नाअं।
सोल़्हुई परच़ी दी निखल़अ इमेरो नाअं।
स्तार्हुई परच़ी दी निखल़अ हेजीरो नाअं।
ठार्हुई परच़ी दी निखल़अ हापीसेसो नाअं।
उन्हुंई परच़ी दी निखल़अ पथाहो नाअं।
बिहुई परच़ी दी निखल़अ एजकेलो नाअं।
इक्कुई परच़ी दी निखल़अ जाकीनो नाअं।
बाहुई परच़ी दी निखल़अ गामूलो नाअं।
त्रेहुई परच़ी दी निखल़अ दलायो नाअं।
च़ौबुई परच़ी दी निखल़अ माजीओ नाअं।
इना सोभी दले सैणैं तै ईंयां अर इने नाअं डाहै लिखी अर इना का डाहअ बिधाते भबनै इनो काम सभाल़ी ज़िहअ इज़राईले परमेशर बिधाता तिन्नें दादा-बाबे मूल़ हारणा लै हुकम त किअ द।
लेबी गोत्रे होर लोग
लेबीए होरी आद-लुआदा मांझ़ै थिऐ ईंयां आपणीं-आपणीं टोलीए सैणैं:
अमरामे टोली दी त आजू शूबाएले आद-लुआदा मांज़ै जेहदीया।
रहाबयाहे आद-लुआदा मांझ़ै त इशिया।
इसहारे टोली दी थिअ शेलोमीते आद-लुआदा मांझ़ै जहात।
हेब्रोने टोली दी थिऐ ज़ेठै का कान्हीं अमरे साबै जरीयाह, अमर्या, जहजीएल अर जकमाम सैणैं।
उज्जीएले टोली दी थिअ मिके आद-लुआदा मांझ़ै शामीर,
उज्जीएले ई टोली दी मिके भाऊ इशिये आद-लुआदा मांझ़ै जकर्या सैणअ।
मरारी टोली दी थिऐ महली, मूशी अर जजीयाह। जजीयाहे शोहरू आसा तै: शोहाम, जक्कूर अर इबरी। महलीए तै दूई शोहरू: एलीआजर अर कीश। एलीआजरे निं शोहरू आथी तै हुऐ दै पर कीशा का थिअ एक शोहरू तेऊ नाअं त जेहरमील। मूशीए थिऐ चअन शोहरू: महली, एदेर अर जरमोत।
ईंयां ती लेबीए आजू आद-लुआद।
हारणे आद-लुआदा ज़िहअ दैनअ इना होरी लै बी बिधाता सेटा परच़ी पाई काम बांडी। सह निं होछ़ै-बडै भाल़ी किअ। परच़ी पाआ तै राज़ै दाबेद, तेऊए, कार-करिंदै, सदोक प्रोहत, अबतारो शोहरू आहीमोलक अर प्रोहत अर लेबी गोत्रे सोभी टोलीए सैणें आछी सम्हनै ताकि तिंयां तेते शाजत होए।
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.