Kulvi Outer Seraji Bible
1 इतिहास 25
राज़ै दाबेदे गाज़ै-बाज़ै आल़ै
राज़ै दाबेद अर बिधाते भबने कार करिंदै दैनी इना टोली लै गाज़ै-बाज़े ज़िम्मैंबारी: असाप, हमान अर जदूतून। तिन्नों काम त बींन अर छ़छ़ाल़ा बाज़ी बिधाते गल्ला प्रगट करनीं। बिधाता सेटा गाज़ै-बाज़ै आल़ै अर तिन्नें ज़ुदै-ज़ुदै काम थिऐ ईंयां:
असापे च़ार शोहरू: जक्कूर, युसुफ, नतानिया अर असरेला। तिंयां करा तै असापे ढेओऐ च़ाकरी। ज़ेभै-ज़ेभै राज़ैओ हुकम हआ त, तेभै-तेभै करा त असाप गाज़ै-बाज़ै संघै बिधाते गल्ला प्रगट करी।
जदूतूने तै छ़ह शोहरू: गदाली, सरी, ईशायाह, शिमी, हशाबिया अर मत्तितियाह। तिंयां करा तै आपणैं बाब जदूतूने ढेओऐ च़ाकरी। तिन्नों त बिधाते शूकर करना लै बींन अर गाज़ै-बाज़ै संघै गिहा बोल़णैंओ काम।
हमाने तै च़ौदा शोहरू: बुकियाह, मतानियाह, उज्जीएल, शबूएल, जरमोत, हनन्याह, हनानी, एलीआता, गदालती, रोमामती-एजेर, जोशबकाशा, मलोथी, होतीर अर महजीओत। परमेशरे बढेरअ हमान इहअ कि सह थिअ राज़ैओ गूर बी। तेऊए तै ईंयां च़ौदा शोहरू अर चअन ती तेऊए शोहरी बी। तेऊए सोभ शोहरू बाज़ा तै तेऊ पिछ़ू खल़ै हई बिधाते स्तोती करना लै बींन अर छ़छ़ाल़ा। असाप, जदूतून अर हमान करा तै ज़िहअ राज़ै हुकम किअ तेऊ साबै काम।
ईंयां च़ौबी ज़ण्हैं तै गाज़ै-बाज़े खास्सै ज़ाण-प्रबीण अर तिन्नां संघै होर लेबी बी थिऐ बिधाते गिहा बोल़णा लै ताल-बाल शिखल़ै दै। ईंयां तै पठी दूई शौ ठास्सी ज़ण्हैं।
राज़ै दाबेदै बांडी इना सोभी लै च़ाकरी बिधाता सेटा परच़ी पाई। तेता लै निं होछ़अ-बडअ, गूरू-च़ेल्लअ, सज़ाण-कज़ाण भाल़अ।
पैहली परच़ी दी निखल़अ असापे टोली मांझ़ै युसुफो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
दुजी परच़ी दी निखल़अ गदालीओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
चिऊथी परच़ी दी निखल़अ जक्कूरो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
च़ौथी परच़ी दी निखल़अ ईसरीओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
पांज़ूई परच़ी दी निखल़अ नतानियो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
छ़हुई परच़ी दी निखल़अ बुकियाहो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
सातुई परच़ी दी निखल़अ जसरेलो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
आठुई परच़ी दी निखल़अ ईशायाह गूरो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
नहुई परच़ी दी निखल़अ मतानियाहे नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
दसुई परच़ी दी निखल़अ शिमीओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
गैर्हूई परच़ी दी निखल़अ अजरेलो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
बार्हूई परच़ी दी निखल़अ हशाबिओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
तेर्हुई परच़ी दी निखल़अ शूबाएलो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
च़ौदुई परच़ी दी निखल़अ मत्तितियाहो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
पंद्रुई परच़ी दी निखल़अ जरमोतो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
सोल़्हुई परच़ी दी निखल़अ हनन्याहो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
स्तार्हुई परच़ी दी निखल़अ जोशबकाशो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
ठार्हुई परच़ी दी निखल़अ हनानीओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
उन्हुंई परच़ी दी निखल़अ मलोथीओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
बिहुई परच़ी दी निखल़अ एलीआतो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
इक्कुई परच़ी दी निखल़अ होतीरो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
बाहुई परच़ी दी निखल़ा गदालतीओ नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
त्रेहुई परच़ी दी निखल़अ महजीओतो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
च़ौबुई परच़ी दी निखल़अ रोमामती-एजेरो नाअं अर तेऊ संघै तै तेऊए शोहरू अर भाई-बंधा संघी बारा ज़ण्हैं।
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.