Zaaburi 46

Ruhanga oku ari obuhungiro bw'abantu be

Aha Mukuru w'abeeshongozi. Zaaburi ya Beene Koora. Ekyeshongoro ekyeshongorwa omu buraka bukye

11

Ruhanga niwe buhungiro bwaitu, kandi amaani gaitu,

Omuhwezi buzima otabura mu biro by'enaku. 22

N'ahabw'ekyo tituritiina, n'obu ensi yaakuhinduka,

Enshozi zikatsindukira ahagati y'enyanja, 33

Amaizi gaayo gakahoorera, gakahinduriza,

N'ebibungo bikatengyetsibwa okwehuura kwayo. 44

Hariho omugyera, okusheneneka kwagwo nikushemeza orurembo rwa Ruhanga,

Omwanya Ogurikwera ahu Rukira-boona atuura. 55

Ruhanga ari ahagati yaarwo; tiruritengyetsibwa;

Ruhanga aryaruhwera kare nibutaagurukana. 66

Amahanga gakajagarara, obugabe bwarabanamu,

Yaagamba n'eiraka rihango, ensi yaayaga. 77

MUKAMA ow'amahe ari hamwe naitwe;

Ruhanga wa Yakobo niwe buhungiro bwaitu. 88

Mwije mureebe emirimo ya MUKAMA,

Oku areetsire okuhwerekyerera omu nsi. 99

Amaraho engamba okuhika aha muheru gw'ensi;

Ahenda amata, amacumu agatemamu kabiri;

N'ebigaari abyotsya n'omuriro. 1010

Mucureere, mumanye ku ndi Ruhanga.

Ndyahimbisibwa omu mahanga,

Ndyahimbisibwa omu nsi. 1111

MUKAMA ow'amahe hamwe naitwe,

Ruhanga wa Yakobo niwe buhungiro bwaitu!