YONA

Yona

Mabandelo

Buku enka Yona ɛhɛkɔlɔ mbo imbe inka nteti ɛmɔ emekaki, ya taɔhɔ, noyala nkona lotomo lomopaki Nyambe. Boike bo biteni binsɛkɔ biɛnia polele malako mabɔtɔ buku nopa. Aiko, ale o ekihelo e bwanya enka Isalaele. Nsɛkɔ e buku enka Yona etepela na boili mbo i mantomba: Nyambe apwɛniake lolango lo nande nko onka bana ba Isalaele, ya alwɛniake mpe onka babutu bamobuloya; ale bilaka binkuma uto nwenza bikaneno binkeli bobe kaki bato baɔhɔlɔ miano me nande mpe baenza hɔlɔ eyalelo; mpe ale nde mɔmɛnɛ moyalii o iwa na lobiko, mpe Nteti apohe noka bobe kaki Nyambe abinya babungi. Buku enka Yona eisia nwɛnia o lolenge lo bwembola mpe na lolango penda mekakatano, malengoli, mpe na mpɛnyɛ iɔhɔ nɔbɛlɛ o bɔmɔi bonka mot opaemena lotomo na Nyambe. Etolaka mbɔ Nyambe apɔhe nokambia motepeli mo mbo inande o liale mpe o bokaika, mpe penda noyala nko mokambia alote tango na nde na itina Nyambe ale uto noisia notepela mpe nolimbola na bohenga bo tuko mbɔ lolango lo nande lole onka moto onkuma. Yesu mpe ayakaki nɔtwa o lobo lonka Yona nwebia iwa mpe makundwelo ma nande, nopa lwɛlia onka bato bakihi na nande bwenzi bo eyalelo enka bato ba Ninɛwɛ (Mat 12, 38-42; Luk 11, 19-35).