Skip to content
BibleKenya

Lontomba

YONA 1

Yona amekaki nolota iteta na Nkolo

Boina bɔmɔ, munya monka Nkolo motepelaki onka Yona, ngana o mwele onka Amitayo1: «Tɛlɛmɛ, nsɔ o Ninɛwɛ, inanga i inɛnɛ mpe pɛlɛ balɔkɔ na itina bobe bonka bato banande2, boiya kii onkami.» Ya Yona anaki nolota o Talasisi, iteta na Nkolo. Asulwaki o ibongo i Zapa3, aotana maswa eondaki nounzwa mbɔ etu o Talasisi. Autaki mɔhɔlɔ nobata manda mpe akondelaki mputa na bahali ba maswa noha o Talasisi, iteta na Nkolo. Ya Nkolo atindaki ɛpɛli ɛnɛnɛe o ebale. Ya Nkolo atindaki ɛpɛli penda o ebale ɛnɛnɛ. Ɛpɛli ɛlɔkɔ eliki nguya penda bɛlɛbɛlɛ maswa nwatwa. Bahali ba maswa, baokaki bɔɔmɔ, moto na moto aototwa na nguya nobeya nyambe enande, boiko baoyouha biomba binkuma o ebale ɛnɛnɛ olongi maswa mahalwe. Ya Yona, nde asulwaki ɔ nkɔbɛ e maswa, abetamaki mpe aɔngɔki ilɔ baa. Na boiko, mɔkɛndii mo maswa abɛlɛmɛnɛki Yona mpe aomohangela bɔnɛ: «Okela mpiko be? Ɔngi ilɔ? Tɛlɛmɛ, beya nyambe ɛwɛ! elaka enkina aɔhɔ notokela molika mbɔ tatowakake.» O mbiha bayahangelaki o iyɔngɔ i balɔkɔ bɔnɛ: «Boyaka totae mbesi olongi twebe manda eima lobo lɔnɛ.» Bataki mbɛsi mpe mbɛsi ikitaki onka Yona. Na boiko baomoubola bɔnɛ: «Otohangele lobo lokela wɛ anɛ. Oime obe? Ole moto o ehe be? Ebumu ɛwɛ ele be?» Yona aobaisenyele bɔnɛ: «Nale mohi Ebele mpe nangolake Nkolo, Nyambe ele o lobola mpe ekelaki bibale bi binɛnɛ mpe na mekonda.» Bahali ba maswa baokaki bɔɔmɔ penda o mbiha enka Yona nobahɛkwɛla mbɔ aolote iteta hei na Nkolo. Baomoubola bɔnɛ: «Okelaki boiko itina be? Tokele na wɛ be olongi ebale etande molenge?» Na itina elele ependaki nguya. Ababekwelaki bɔnɛ: «Bompwe, bonsuhe o ebale ɛnɛnɛ olongi etande molenge. Naeba mbɔ elele ɛnɛ eobokumbela na boili mi.» Bahali ba maswa balukaki nokomba nohɛmia maswa o mokonda ya tabaɔhɔ naitina moula mopendaki nguya. Na boiko babeyaki Nkolo abahunge, nototwa: «O Nkolo, totokambiake tobu na boili moto ɔnɛ. Tohangiake o metu me yaiho iwa inka moto opa tatokela bobe, na itina wɛ Nkolo ɔkela nga bombwane wɛ.» Na boiko, bapwaki Yona,bamobokaki o mai mpe elele teisia nokumba. Na boiko baliki ntondiama na bɔɔmɔ onga na Nkolo; bamopaki moboma mpe bamɔlɔbwelaki ndɔbɔ.

Source notes (3)
  1. Footnote Nteti ɛmɔ Yona, ngana onka Amitai, ikɛtɛmɛ o 2 Bankumu 14, 25.
  2. Footnote Ninɛwɛ Inanga i ehe e bonkumu bo Sulia, Lendaka 2 Bank 19.36, Nah 1.1.
  3. Footnote Talasisi: ele inanga ile o nsangi i ebale e meditelane, epa tabaɔhɔ nwebia manda na zee ele ilɔkɔ. Iliki o lokenge lwɛhɛnɛki na lonka Ninɛwɛ. Zapa O munya monka baela ele Yope, lendaka Bik 10.5, eliki ibongo i ebale inka Yelusalɛma. Lelo ele etuka ɛmɔ enka tel awiw.

Lontomba. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.