Skip to content
BibleKenya

MATAYO

Matthew

Introduction from this edition

Bwɛndi Bopele bokoma

Matayo

Bokweya ta buku

Mokomi, bato bakomea ibo, esika e ekoma ibo ko yanga ekoma ibo:

Mokomi:

Bwɛndi Bopele bokoma Matayo bodii bwɛndi bo boso ta tei e Mɛndi Mapele manɛi; boisama ta mbangi e buku dji Mokongo Moyeene. Bwɛndi Bopele bomina bobalakadea ta tina e bomɔ bo Yesu bo kpɔtɔ. Bwɛndi Bopele bokoma Matayo bodii Bwɛndi bomɔti ta tei e Mɛndi Mapele masato, makatubane midjɔ midii mondumba momɔti ko makuanake (Matayo, Malako ko na Luka). Ta Bwɛndi bomina Bopele, ebalama bonɔ ta tina e bileho bi Yesu ko na isɔsi di nde ta dii Bayudha. Bwɛndi ibubu Bopele bokomama na Matayo, iyo adii temo o midjɔ mimina misɔngɔmɔdea. Boso bɛngi aimee motingami adaaka moputedji o puti; na tina emina akomi na esipoli esusu ko na e ikɔkɔ di Bayudha. Bokimana buku e nde, mokomi o Bwɛndi Bopele bokoma Matayo asainedjakadea ondingo moto o mokanda o Bayudha; ko aimei mokilito asapi na Makomi ko aimei molehi ta bohomba «Bosipodja» bato Yesu; akpekpeaka oko ta mondumba mo bosalela bileho bi Yesu.

Esika ekoma ibo:

Endelo esika ekoma bo Bwɛndi Bopele bokoma Matayo bobwani bodaa ta ekomi e Sili kaoko ta Penesi.

Yanga ekoma ibo:

Bwɛndi bomina Bopele bokomama mbuti na yanga e 70 ngɔngɔ dji bobotama bo Yesu Kilito; bokomamaka mo ehole mokɛkɛ boso bo bobukama bo tepelo e Yelusalɛmɛ.

Ilɔndi di buku:

Mokomi o Bwɛndi ibubu Bopele akomea Bayudha bɛngi badhime bo Yesu o Nadjalɛtɛ adii Kilito, Kumu ko Moheledji o bobo; apalaka bobasipodja isɔsi di Yesu ta dii Bayudha ko ta tei e Yesu ekokedjamakadea mibalo mi batɛli ba Mokongo Moyou ta tina e Masiya. Buku iyeye ekomama ta tina e badhimi ibia badonga ta dii Bayudha. Matayo akpekpeakadea ta tina e Makomi, Mobeko mo Mose, ko na bokɔkɔ bo Bayudha; Matayo adiiti e botingodja mɛko minɛnɛ ondingo Malako (10, 6; 15, 24). Endelo mobeko mo Bayudha motungi bokokedjama bo Makomi imo mɛnɛ makainedje misala na bomoto bo Yesu.

Bikenge binɛnɛ bi buku:

Bwɛndi Bopele bokoma Matayo bodii bokabanake na bikenge binɛnɛnɛnɛ bitano:

Bileho ta ngomba (5, 1-7, 29).

Elomu e batingami (9, 35-10, 42).

Bikuanedji bi Bokumu bo busa (13, 1-52).

Bato ba Bokumu bo busa (18, 1-35).

Bokebedjama ta tina e bato ba ndango e mongi ko na bimbete bi suka e ngondo (23, 1-26, 1).

Mondumba mobɔngedjama buku:

1, 1-4, 11: Mbangi.

4, 12-26, 46: Mosala mo Yesu.

26, 47-28, 15: Sambi, bogwa ko bosisoa ta bogwa bo Yesu.

28, 16-20: Batingami ta mɔɔngɔ na Yesu.

Miwera. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.