उत्पत्ति

उत्पत्ति की किताब

उत्पत्ति की किताब

परिचय

उत्पत्ति शब्द को अर्थ हय “सुरूवात” अऊर यो बाइबल को पुरानो नियम की पहली किताब आय। मूल हिब्रू भी “सुरूवात म” शब्द सी शुरू होवय हय। यो दिखावय हय कि सब कुछ कहां सी आयो अऊर विशेष रूप सी मनुष्यों को संग परमेश्वर को व्यवहार कसो शुरू भयो। अज ज्ञानी लोगों को जवर ऊ व्यक्ति यां व्यक्तियों को बारे म कयी सिद्धान्त हय कि येख ५-६ वी शताब्दी ईसा पहले को पुरानो दस्तावेजों सी तुलना करयो गयो होना। बेबीलोन म दूसरो लोग यो पारंपारिक मान्यता ख स्विकार करय हंय कि मूसा न लगभग १३०० यां १४०० साल ईसा पहले उत्पत्ति, संग म निर्गमन, लैव्यव्यवस्था, गिनती अऊर व्यवस्थाविवरण लिख्यो होतो।

उत्पत्ति म बहुत महत्वपूर्न जानकारी हय जो मसीही लोगों ख बाइबल को बाकी हिस्सा, पुरानो अऊर नयो नियम दोयी ख समझन म मदत करय हय। यो हम्ख दिखावय हय कि पाप न संसार म कसो सिरयो अऊर लोगों ख एक उद्धारकर्ता की जरूरत हय। यो लोगों ख बचावन की परमेश्वर की योजना ख भी प्रगट करय हय। येख यीशु को बारे म पहिली भविष्यवानी

रूप-रेखा

१. परमेश्वर न संसार अऊर आदम अऊर हवा की रचना करी।

२. आदम अऊर हवा, उन्को पाप अऊर उन्को वंशजों को वर्णन हय।

३. नूह अऊर महान बाढ़ को बारे म बतायो हय।

४. नूह को समय अऊर अब्राहम को समय को बीच का भयो, जेको म बेबीलोन की मीनार भी शामिल हय।

५. अब्राहम, ओको परिवार अऊर इस्राएल राज्य की सुरूवात को बारे म हंय।

६. अब्राहम अऊर ओकी पत्नि सारा को जीवन अध्याय १२ सी २५ म शामिल हय।

७. इसहाक अऊर ओकी पत्नि रिबका को जीवन अध्याय २१ सी २८ म वर्णन हय, अऊर ओकी मृत्यु को वर्णन अध्याय ३५ म करयो गयो हय।

८. याकूब, ओको टुरावों को जीवन अऊर कनान सी मिस्र देश तक उन्को स्थानांतरन अध्याय २५ सी ५० म शामिल हय।

९. अध्याय ३७ सी ५० याकूब को पसंद को टुरा यूसुफ को जीवन पर आधारित हय अऊर ऊ मिस्र देश को कसो शासक बन्यो।