जीवन को वचन
उत्पत्ति 10
नूह को टुरा की वंशावली
(१ इतिहास 1:5-23)
नूह को बेटां शेम, हाम अऊर येपेत होतो; उन्को बेटा जल प्रलय को बाद पैदा भयो: उन्की वंशावली या आय।
येपेत को बेटां : गोमेर, मागोग, मादै, यावान, तूबल, मेशेक अऊर तीरास भयो। अऊर गोमेर को बेटां : अश्कनज, रीपत अऊर तोगर्मा भयो। अऊर यावान को वंश म एलीशा अऊर तर्शीश, कित्ती, अऊर दोदानी लोग भयो। इन्को वंश दूसरी जातियों को द्वीपों को देशों म असो बट गयो कि हि दूसरी दूसरी भाषावों, कुलों, अऊर जातियों को अनुसार अलग अलग भय गयो।
तब हाम को बेटां : कूश, मिस्र, पूत अऊर कनान भयो। अऊर कूश को बेटां सबा, हवीला, सबता, रामा, अऊर सब्तका भयो। अऊर रामा को बेटा शबा अऊर ददान भयो। कूश को वंश म निम्रोद भी भयो; जो धरती पर पहिलो महा शक्तिशाली विजेता होतो। ऊ प्रभु की नजर म महान शिकारी होतो, येकोलायी ओको बारे म यो कहावत प्रसिद्ध हय; “प्रभु की नजर म निम्रोद को जसो महान शिकारी।” ओको राज्य की सुरूवात शिनार देश म बेबीलोन, एरेख, अक्कद, अऊर कलने सी भयो। निम्रोद ऊ देश सी निकल क अश्शूर ख गयो, अऊर नीनवे, रहोबोतीर अऊर कालह नाम को नगरों ख बसायो। ओन रेसेन नगर ख भी बसायो जो नीनवे अऊर कालह को बीच म हय; ऊ महानगर हय।
मिस्र को वंश म लूदी, अनामी, लहाबी, नप्तूही, अऊर पत्रुसी, कसलूही, अऊर कप्तोरी लोग भयो, कसलूहियों म सी त पलिश्ती लोग निकल्यो।
कनान को वंश म ओको बड़ो बेटा सीदोन, तब हित्त, यबूसी, एमोरी, गिर्गाशी, हिव्वी, अर्की, शीनी, अर्वदी, समारी, अऊर हमाती लोग भी भयो; तब कनानियों को कुल भी फैल गयो। अऊर कनानियों की सीमा सीदोन सी ले क गरार की रस्ता सी होय क अज्जा तक अऊर तब सदोम, अमोरा, अदमा अऊर सबोयीम की रस्ता सी होय क लाशा तक भयो। हाम को वंश म हिच भयो; अऊर हि दूसरो दूसरो कुलों, भाषावों, देशों, अऊर जातियों को अनुसार अलग अलग भय गयो।
शेम को वंशज
तब शेम, जो सब एबेर वंशियों को मूल पुरुष भयो, अऊर जो येपेत को भाऊ होतो, ओको भी बेटा पैदा भयो। शेम को बेटां : एलाम, अश्शूर, अर्पक्षद, लूद अऊर अराम भयो अराम को बेटां : ऊस, हूल, गेतेर अऊर मश भयो। अऊर अर्पक्षद न शेलह ख, अऊर शेलह न एबेर ख जनम दियो। अऊर एबेर को दोय बेटां पैदा भयो, एक को नाम पेलेग यो वजह रख्यो गयो कि ओको दिनों म धरती बट गयी, अऊर ओको भाऊ को नाम योक्तान होतो। अऊर योक्तान न अल्मोदाद, शेलेप, हसर्मावेत, येरह, हदोराम, ऊजाल, दिक्ला, ओबाल, अबीमाएल, शबा ओपीर, हवीला, अऊर योबाब ख जनम दियो : हिच सब योक्तान को बेटां भयो। इन्को रहन की जागा मेशा सी ले क सपारा, जो पूर्व दिशा म एक पहाड़ी प्रदेश हय, ओकी रस्ता तक भयो। शेम को बेटां हिच भयो; अऊर हि दूसरो दूसरो कुलों, भाषावों देशों अऊर जातियों को अनुसार अलग अलग भय गयो।
नूह को बेटा को घरानों हिच आय : अऊर उन्की जातियों को अनुसार उन्की वंशावली हिच हंय; अऊर जल प्रलय को बाद धरती भर की जातियां इन्कोच म सी होय क बट गयी।
जीवन को वचन. Copyright © 2020-2025 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.