Biblica® Open Lao Contemporary Version
ເພງສັນລະເສີນ 11
ເຖິງຫົວໜ້ານັກຮ້ອງ ເພງສັນລະເສີນຂອງດາວິດ.
ຂ້ານ້ອຍລີ້ໄພຢູ່ໃນພຣະເຈົ້າຢາເວ
ແລ້ວເຫດໃດທ່ານຈຶ່ງກ່າວກັບຂ້ານ້ອຍວ່າ:
“ຈົ່ງໜີໄປທີ່ພູເຂົາຂອງທ່ານເໝືອນດັ່ງນົກ.
ເພາະເບິ່ງແມ, ຄົນຊົ່ວຮ້າຍໄດ້ກົ່ງຄັນທະນູຂອງພວກເຂົາແລ້ວ;
ພວກເຂົາໄດ້ເອົາລູກສອນພາດໃສ່ສາຍໄວ້
ເພື່ອຍິງຈາກເງົາມືດ
ຍິງໄປທີ່ຜູ້ມີໃຈທ່ຽງທຳ.
ເມື່ອຮາກຖານຖືກທຳລາຍລົງແລ້ວ,
ຄົນຊອບທຳຈະເຮັດຫຍັງໄດ້?1”
ພຣະເຈົ້າຢາເວສະຖິດຢູ່ໃນວິຫານອັນສັກສິດຂອງພຣະອົງ;
ພຣະເຈົ້າຢາເວ ຢູ່ເທິງບັນລັງແຫ່ງຟ້າສະຫວັນ.
ພຣະອົງໄດ້ສັງເກດເບິ່ງທຸກຄົນທີ່ຢູ່ໃນໂລກນີ້;
ຕາຂອງພຣະອົງໄດ້ກວດສອບເບິ່ງພວກເຂົາ.
ພຣະເຈົ້າຢາເວ ໄດ້ກວດສອບເບິ່ງຄົນຊອບທຳ,
ແຕ່ຄົນຊົ່ວຮ້າຍ2 ແລະ ບັນດາຜູ້ທີ່ມັກຄວາມຄວາມຮຸນແຮງນັ້ນ;
ພຣະອົງກຽດຊັງເຂົ້າກະດູກດຳ.
ພຣະອົງຈະໂຮຍຖ່ານໄຟ
ແລະ ມາດລົງໃສ່ຄົນຊົ່ວຮ້າຍເໝືອນດັ່ງຫ່າຝົນ
ແລະ ເຜົາຜານພວກເຂົາດ້ວຍລົມອັນຮ້ອນແຮງ.
ເພາະພຣະເຈົ້າຢາເວນັ້ນຊອບທຳ,
ພຣະອົງຮັກຄວາມຍຸຕິທຳ;
ຄົນຊອບທຳຈະເຫັນໃບໜ້າຂອງພຣະອົງ.
Source notes (2)
- Footnote ຫລື ອົງຜູ້ຊອບທຳກຳລັງເຮັດສິ່ງໃດ?
- Footnote ຫລື ອົງພຣະຜູ້ເປັນເຈົ້າ ອົງຜູ້ຊອບທຳກວດສອບຄົນຊົ່ວຮ້າຍ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.